ଲୋଇସିଂହା, (କେପିଏନ୍ଏସ୍) : ଲୋଇସିଂହା ବ୍ଲକ ଆଭ୍ୟନ୍ତରୀଣ ରାନିପାଲି ଗ୍ରାମରେ ଗଡ଼ଶଙ୍କର ଡୁଙ୍ଗୁରିପାଲି ଆଞ୍ଚଳିକ କୁଲତା ସମାଜର ବୈଠକ ଓ ନୂତନ କର୍ମକର୍ତ୍ତା ମନୋନୟନ ଅନୁଷ୍ଠିତ ହୋଇଯାଇଛି । ପ୍ରାରମ୍ଭରେ ସମାଜର ଅଧିଷ୍ଠାତ୍ରୀ ଦେବୀ ରଣେଶ୍ୱର ରାମଚଣ୍ଡୀଙ୍କ ପୂଜାର୍ଚ୍ଚନା କରାଯାଇଥିଲା । କୁଲତା ସମାଜ ବଲାଙ୍ଗିର ଜିଲ୍ଲା ସଭାପତି ବେଲାରସେନ ଭୋଇଙ୍କ ସଭାପତିତ୍ୱରେ ଆୟୋଜିତ ବୈଠକରେ ସମାଜର ବହୁ ବୁଦ୍ଧିଜୀବୀ ଯୋଗ ଦେଇ ସାମାଜିକ ରୀତିନୀତିକୁ ବଜାୟ ରଖିବା ଦିଗରେ ମତପୋଷଣ କରିଥିଲେ । ଏହି ଅବସରରେ ସମାଜର ଗଡ଼ଶଙ୍କର ଡୁଙ୍ଗୁରିପାଲି ଆଞ୍ଚଳିକସ୍ତରୀୟ କର୍ମକର୍ତ୍ତା ମନୋନୟନ କରାଯାଇଥିଲା । ଏଥିରେ ସର୍ବସମ୍ମତି କ୍ରମେ ସଭାପତି ଭାବେ ସଞ୍ଜୟ ଗଡତ୍ୟା, ଉପସଭାପତି ଲୋଚନ ବିଶ୍ୱାଳ, ସମ୍ପାଦକ ରାହାସ ବିହାରୀ ବିଶ୍ୱାଳ, ଯୁଗ୍ମ ସମ୍ପାଦକ ଦୁର୍ଯ୍ୟୋଧନ ଗଡତ୍ୟା ଏବଂ କୋଷାଧ୍ୟକ୍ଷ ଭାବେ ଭାରତ ସାହୁ ମନୋନୀତ ହୋଇଥିଲେ । ସମାଜର ରୀତିନୀତିକୁ ମାନି ଚଳିବା ପାଇଁ ନୂତନ କର୍ମକର୍ତ୍ତାମାନେ ଶପଥ ପାଠ କରିଥିଲେ । ଅନ୍ୟମାନଙ୍କ ମଧ୍ୟରେ ଜିଲ୍ଲା ଉପସଭାପତି ଜୟସିଂ ପଧାନ, ସମ୍ପାଦକ ମଧୁସୂଦନ ନାଏକ, ସଭ୍ୟ ଶତ୍ରୁଘ୍ନ ଭୋଇ ପ୍ରମୁଖ ଉପସ୍ଥିତ ଥିବାବେଳେ ବରିଷ୍ଠ ବ୍ୟକ୍ତି ତଥା ପୂର୍ବ ଆଞ୍ଚଳିକ ସଭାପତି ଦୁର୍ଗାଚରଣ ଭୋଇ ଧନ୍ୟବାଦ ଅର୍ପଣ କରିଥିଲେ ।