ବରଗଡ, (ସତ୍ୟ ନାରାୟଣ ପ୍ରଧାନ) : ଆଜି ସ୍ଥାନୀୟ ବୈଶ୍ନୋଦେବୀ ମନ୍ଦିର ପ୍ରାଙ୍ଗଣରେ ଓଡ଼ିଶା ରାଜ୍ୟ ଚୁକ୍ତି ଭିତ୍ତିକ କର୍ମଚାରୀ ସଂଘର ବରଗଡ ଜିଲ୍ଲା ଶାଖାର ଏକ ବୈଠକ ଅନୁଷ୍ଠିତ ସଭାପତି ବଳରାମ ସେଠ୍ଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଅଛି । ସରକାର ଚୁକ୍ତି ଭିତ୍ତିକ କର୍ମଚାରୀମାନଙ୍କ ଦାବୀକୁ ଅଣଦେଖା କରୁଥିବାରୁ ସଭାରେ ସରକାରଙ୍କ ମନୋଭାବକୁ ବିରୋଧ କରାଗଲା ଏବଂ ରାଜ୍ୟ ସଂଘର ଡାକରାରେ ଭବିଷ୍ୟତରେ ହେବାକୁ ଥିବା ରାଜ୍ୟସ୍ତରୀୟ ଆନ୍ଦୋଳନରେ ଯୋଗ ଦେବାକୁ ନିଷ୍ପତ୍ତି ନିଆଯାଇଥିଲା । ଏହି ସଭାରେ ଅନ୍ୟମାନଙ୍କ ମଧ୍ୟରେ ନରୋତ୍ତମ ପଣ୍ଡା, ଅରୁଣ କୁମାର ରଥ, ଧର୍ମରାଜ ଭୋଇ, ଗାୟତ୍ରୀ ଦେବୀ, ସୁଶ୍ରିତା ମହାପାତ୍ର ଆଦି କର୍ମକର୍ତ୍ତା ପ୍ରମୁଖ ଯୋଗ ଦେଇଥିଲେ ।ସଭା ଶେଷରେ ପରେଶ୍ ରଥ ଧନ୍ୟବାଦ ଅର୍ପଣ କରିଥିଲେ ।