ବଲାଙ୍ଗିର, (କେପିଏନ୍ଏସ୍) : ଟାଉନ ପୋଲିସକୁ ମିଳିଛି ଏକ ବଡ଼ ସଫଳତା । ବଲାଙ୍ଗିର ସହରର ଶାନ୍ତି ପଡ଼ା ଚୋରି ଘଟଣାରେ ଆଜି ୩ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି ଟାଉନ ପୋଲିସ ବୋଲି ଖବର ମିଳିଛି । ଶାନ୍ତିପଡ଼ାର ଡା. ଆରତୀ ପଣ୍ଡାଙ୍କ ଘରୁ ଚୋରି ହୋଇଥିବା ନେଇ ବଲାଙ୍ଗିର ଟାଉନ ଥାନାରେ ଅଭିଯୋଗ ହୋଇଥିଲା, ଅଭିଯୋଗକୁ ଭିତ୍ତି କରି ବଲାଙ୍ଗିର ଟାଉନ ପୋଲିସ ଏକ ମାମଲା ରୁଜୁ କରି ୩ ଜଣ ଚୋରଙ୍କୁ ଗିରଫ କରିବାରେ ଆଜି ସଫଳ ହୋଇଛି । ଗିରଫ ଚୋରା ମାନେ ହେଲେ କନ୍ଧପାଳିପଡ଼ାର ସମନ ବାଗ(୨୭), ଏମୋନ ଦୀପ(୩୧) ଓ ବରପାଲିପଡ଼ାର ସଚିନ କଲେଟ(୨୪) । ଏହି ଚୋରମାନଙ୍କୁ ଗିରଫ କରି କୋର୍ଟ ଚାଲାଣ କରିଥିବା ନେଇ ଜଣାପଡିଛି ।