ଆଗଲପୁର, (ସୁଶିଳ କୁମାର ମିଶ୍ର) : ଭୁବନେଶ୍ବର ସ୍ଥିତ ଜୟଦେବ ଭବନଠାରେ ଜଂଗଲ ପରିବେଶ ଓ ଜଳବାୟୁ ପରିବର୍ତ୍ତନ ବିଭାଗ ତରଫରୁ ବିଶ୍ୱ ବନ ଦିବସ ପାଳନ କରାଯାଇଥିଲା । ଏହି ଉତ୍ସବରେ ବିଭାଗୀୟ ମନ୍ତ୍ରୀ ପ୍ରଦୀପ ଅମାତ ଅତିରିକ୍ତ ଶାସନ ସଚିବ ମୋନା ଶର୍ମା ଏବଂ ପିସିସିଏଫ୍ ଦେବୀ ବିଶ୍ବାଳ ଯୋଗଦେଇ ବଲାଙ୍ଗିର କେନ୍ଦୁପତ୍ର ବନଖଣ୍ଡ ଅଧିନସ୍ଥ ଲୋଇସିଂହା କେନ୍ଦୁପତ୍ର ରେଞ୍ଜ ଆଡେନ ଡୁଂଗୁରି ସେକ୍ସନ ଫରେଷ୍ଟ ଗାର୍ଡ କୃଷ୍ଣଚନ୍ଦ୍ର ତାଣ୍ଡିଙ୍କୁ କେନ୍ଦୁପତ୍ର ବିଭାଗରେ ଉଲ୍ଲେଖନୀୟ ଅବଦାନ ପାଇଁ ଷ୍ଟେଯ ଫରେଷ୍ଟରି ଆୱାର୍ଡ ପ୍ରଦାନ କରାଯାଇଛି । ଏହି ଅବସରରେ ଶ୍ରୀ ତାଣ୍ଡିଙ୍କୁ ୧୦ହଜାର ଟଙ୍କା ଅର୍ଥ ରାଶି ପୁରସ୍କାର ସହ ମାନପତ୍ର ଏବଂ ପଦକ ପ୍ରଦାନ କରିଥିଲେ । ଏହି ସଫଳତା ପାଇଁ ଶ୍ରୀ ତାଣ୍ଡିଙ୍କୁ ବନବିଭାଗ କର୍ମଚାରୀ ସମେତ ସ୍ଥାନୀୟ ଜନସାଧାରଣ ଅଭିନନ୍ଦନ ଜଣାଇଛନ୍ତି ।