ରାଉରକେଲା, (ସସ୍ମିତା ପ୍ରଧାନ) : ରାଜ୍ୟ ଲିଫ୍ଟିଂ ଚମ୍ପିୟାନସିପ ଆସନ୍ତା ୭ ତାରିଖ ଦିନ ସକାଳ ୯ ଟାରେ ସେକ୍ଟର ୭ ସ୍ଥିତ କମ୍ୟୁନିଟି ସେଣ୍ଟର୍ ଠାରେ ଅନୁଷ୍ଠିତ ହେବ ବୋଲି ସୂଚନା ମିଳିଛି । ସେକ୍ଟର ୭ ରାୟିମା କ୍ଲବ ଠାରେ ଅରଜିନାଲ ପାୱାର କ୍ଲବ ତରଫରୁ ଆୟୋଜିତ ସାମ୍ବାଦିକ ସମ୍ମିଳନୀରେ କ୍ଲବର ସମ୍ପାଦକ ଓ ପି ସିଂ, ରିଶି ସେବକ, ସୁରେଶ ଶର୍ମା, ଉମେଶ ସିଂ, ରାୟିମାର ସମ୍ପାଦକ ବାସୁଦେବ ବାନାର୍ଜୀ, ଉପସଭାପତି ରବିନ୍ଦ୍ର ଗୌଡ ଓ ସୁନ୍ଦରଗଡ ଜିଲ୍ଲା କ୍ରୀଡା ସଂଗଠନର ନୀଳେଶ୍ୱର ସାହୁ ପ୍ରମୁଖ ଉପସ୍ଥିତ ରହି ସାମ୍ବାଦିକଙ୍କୁ ସୂଚନା ଦେଇ କହିଲେ ଯେ ତୃଣମୂଳ ସ୍ତରରୁ ପାୱାର ଲିଫ୍ଟିଂ ପାଇଁ କ୍ରୀଡାବିତ୍ ସୃଷ୍ଟି କରିବା ଅନୁଷ୍ଠାନର ଲକ୍ଷ୍ୟ । ବିଗତ ଦିନରେ ସୌମ୍ୟରଞ୍ଜନ ରାଉତରାୟ, ମୌସୁମୀ ଦାସ ଏଠାରୁ ଚୟନ ହୋଇ ଜାତୀୟ ସ୍ତରରେ ଖେଳିଛନ୍ତି । ସେହିପରି ସଚିନ୍ଦ୍ର କେରକେଟା ଷ୍ଟ୍ରଙ୍ଗମ୍ୟାନ ଓଡିଶା ୨୦୨୩ ହୋଇପାରିଛନ୍ତି । ରୋହିତ ରାଜ ଭଟ୍ଟ, ଅଞ୍ଜଳି ସାହୁ, ଲବ ମହାନନ୍ଦିଆ, କଲ୍ୟାଣୀ ସିଂ ପ୍ରମୁଖ ହରିଆଣା ଠାରେ ଆୟୋଜିତ ଜାତୀୟ ଚମ୍ପିୟାନସିପରେ ରୌପ୍ୟ ପଦକ ହାସଲ କରିଛନ୍ତି । ଏହି ଖେଳ ଇଣ୍ଡିଆନ ପାୱାର ଲିଫ୍ଟିଂ ଫେଡେରେସନ ଦ୍ୱାରା ସ୍ଵୀକୃତି ପାଇଥିବା ବେଳେ ଏହି କାର୍ଯ୍ୟକ୍ରମର ପୃଷ୍ଠପୋଷକ ଶିଳ୍ପପତି ଡି. ଆର୍. ପଟ୍ଟନାୟକଙ୍କ ଜନ୍ମ ଦିବସରେ ଏହାକୁ ଆୟୋଜନ କରାଯିବ ବୋଲି ସୂଚନା ଦେଇଥିଲେ । ଶେଷରେ ଶ୍ରୀ ବାନାର୍ଜୀ ଧନ୍ୟବାଦ ଅର୍ପଣ କରିଥିଲେ ।