- ସମରେନ୍ଦ୍ରଙ୍କ ଦୂରଦୃଷ୍ଟି ଓ ନରସିଂହଙ୍କ ବଳିଷ୍ଠ ନେତୃତ୍ୱରେ ହେଲେ ଅନୁପ୍ରାଣିତ
ବଲାଙ୍ଗିର, (କେପିଏନ୍ଏସ୍) : ଦେଓଗାଁ ବ୍ଲକ ଗାଇବାହାଲ ଗ୍ରାମ ପଂଚାୟତ ଅନ୍ତର୍ଗତ ଝୁଲ୍ଲାକାନି ପ୍ରକଳ୍ପ ଖେଳ ପଡିଆରେ ଏକ ବିରାଟ ମିଶ୍ରଣ ପର୍ବ ଅନୁଷ୍ଠିତ ହୋଇଯାଇଛି । ଅନୁଷ୍ଠିତ ଉକ୍ତ ମେଗା ମିଶ୍ରଣ ପର୍ବକୁ ଦେଓଗାଁ ଅଂଚଳର କଂଗ୍ରେସ ନେତା ଟିଙ୍କୁ ଅଗ୍ରୱାଲ, ସଂଜୟ ହୋତା, ପ୍ରମୋଦ ରଣା, କେଶବ ରଣା, ସୁବଳ ରଣା, ରାଜକିଶୋର ସାହୁ, ଅଜୟ ସିଂ ପ୍ରଧାନ, ଜିତେନ୍ଦ୍ର ରଣା, କେଶବ ରଣା ପ୍ରମୁଖଙ୍କ ନେତୃତ୍ୱରେ ଦେଓଗାଁ ବ୍ଲକର ବିଭିନ୍ନ ପଂଚାୟତ ଯଥା ଗାଇବାହାଲ, ଉଡାର, ସାରସମାଲ ଓ ଦେଓଗାଁ ପଂଚାୟତରୁ ପ୍ରାୟ ୨୦୦ରୁ ଅଧି ନେତା ଓ କର୍ମୀ ବଲାଙ୍ଗିର ନିର୍ବାଚନ ମଣ୍ଡଳୀର କଂଗ୍ରେସ ବିଧାୟକ ପ୍ରାର୍ଥୀ ସମରେନ୍ଦ୍ର ମିଶ୍ରଙ୍କ ଉପସ୍ଥିତିରେ ଆନୁଷ୍ଠାନିକ ଭାବରେ କଂଗ୍ରେସ ଦଳରେ ମିଶିଛନ୍ତି । କଂଗ୍ରେସ ଦଳରେ ଯୋଗ ଦେଇଥିବା ବ୍ୟକ୍ତିମାନେ ନିଜ ବକ୍ତବ୍ୟରେ କହିଛନ୍ତି ଯେ, ବଲାଙ୍ଗିର ରାଜପରିବାର ବିଗତ ୨୦୧୪ ମସିହା ପୂର୍ବରୁ ଦୀର୍ଘ ବର୍ଷ ଧରି ରାଜ୍ୟ ସରକାରଙ୍କ ବିଭିନ୍ନ ପଦ ପଦବୀ ତଥା ମୁଖ୍ୟମନ୍ତ୍ରୀ ବିଭିନ୍ନ ବିଭାଗର ମନ୍ତ୍ରୀ, ସାଂସଦ, ଅଧ୍ୟକ୍ଷ ଥିଲେ ମଧ୍ୟ ବଲାଙ୍ଗିର ନିର୍ବାଚନ ମଣ୍ଡଳୀର କୌଣସି ପ୍ରକାର ଉନ୍ନତି କରିପାରିନ ଥିଲେ କିନ୍ତୁ ୨୦୧୪ ମସିହା ପରେ ନରସିଂହ ମିଶ୍ର ବଲାଙ୍ଗିର ବିଧାୟକ ହେଲା ପରେ ଶ୍ରୀ ମିଶ୍ରଙ୍କ ନିରବଚ୍ଛିନ୍ନ ଉଦ୍ୟମ ଫଳରେ ବଲାଙ୍ଗିରର ସାମଗ୍ରିକ ବିକାଶ ସମ୍ଭବପର ହୋଇପାରିଛି । ତେଣୁ ଏହି ବିକାଶଧାରାକୁ ତ୍ୱରାନ୍ୱିତ କରିବାକୁ ହେଲେ ବଲାଙ୍ଗିରରେ କଂଗ୍ରେସ ଦଳକୁ ସମର୍ଥନ ପୂର୍ବକ ଆମ୍ଭେ କଂଗ୍ରେସ ଦଳରେ ଯୋଗ ଦେଲୁ ବୋଲି କହିଥିଲେ । ସେମାନେ ଆହୁରି ମଧ୍ୟ କହିଥିଲେ ଯେ ରାଜ୍ୟରେ ମହିଳା ନିର୍ଯ୍ୟାତନା ଶୀର୍ଷରେ, କୃଷକକୁ ତାର ଉତ୍ପାଦନର ଉଚିତ ମୂଲ୍ୟ ମିଳିପାରୁ ନାହିଁ । ଯୁବକ ଆଜି ବେରୋଜଗାର, ଶିକ୍ଷା, ସ୍ୱାସ୍ଥ୍ୟ ସେବା ବିପର୍ଯ୍ୟସ୍ତ । ଅପରପକ୍ଷେ କେନ୍ଦ୍ରରେ ଥିବା ବିଜେପି ସରକାର ଅମଳରେ ଦେଶରେ ଭ୍ରଷ୍ଟାଚାର ବୃଦ୍ଧି ପାଇବା ସହ ଗରିବ ଓ ଧନୀ ମଧ୍ୟରେ ତାରତମ୍ୟ ବୃଦ୍ଧି ପାଇଛି । ଅତ୍ୟବଶ୍ୟକ ଦରଦାମ ହୁ ହୁ ହୋଇ ବଢି·ଲିଛି । ତେଣୁ କଂଗ୍ରେସ ଦଳ ହିଁ ଏକମାତ୍ର ବିକଳ୍ପ ବୋଲି କହିଥିଲେ । ବିଧାୟକ ପ୍ରାର୍ଥୀ ସମରେନ୍ଦ୍ର ମିଶ୍ର ଆଜି ଯୋଗ ଦେଇଥିବା ସମସ୍ତ ବ୍ୟକ୍ତିଙ୍କୁ କଂଗ୍ରେସ ଦଳକୁ ସ୍ୱାଗତ କରିବା ସହ ଏମାନଙ୍କ ଯୋଗଦାନ ଫଳରେ ଦେଓଗାଁ ଅଂଚଳରେ କଂଗ୍ରେସ ଦଳ ଆହୁରି ମଜବୁତ ହୋଇ ଲୋକଙ୍କ ସେବା କରିବ ତତ୍ ସହ ଏ ଅଂଚଳର ସାମଗ୍ରିକ ବିକାଶ ଦିଗରେ ସହାୟକ ହେବ ବୋଲି କହିଥିଲେ । ଏହି ମିଶ୍ରଣ ପର୍ବରେ ଅନ୍ୟମାନଙ୍କ ମଧ୍ୟରେ କାନ୍ତେଶ୍ୱର ପ୍ରଧାନ, ବିରେନ୍ଦ୍ର ମିଶ୍ର, ମାନସ ମହାନ୍ତି, ଟିଟୁ ରଣା, ଅନ୍ତ ବେହେରା, ସଂଜୀବ ଅଗ୍ରୱାଲ ପ୍ରମୁଖ ଉପସ୍ଥିତ ଥିଲେ ।