ବାଲିକୁଦା : ବାଲିକୁଦା ଥାନା ଅନ୍ତର୍ଗତ କାଳିଓ ପଞ୍ଚାୟତ ଅଧୀନ ଜଙ୍ଖୁରୀ ଗାଁରେ ଅଗ୍ନିକାଣ୍ଡ ଘଯି ଦୁଇ ପରିବାର ସର୍ବସ୍ବାନ୍ତ ହୋଇ ଯାଇଛନ୍ତି । ବିଳମ୍ବିତ ରାତିରେ ଭୟାବହ ଅଗ୍ନିକାଣ୍ଡ ଘଟି ଗାଁର ଅଭୟ ମଲ୍ଲିକ ଓ ସୁଷମା ମଲ୍ଲିକଙ୍କର ୬ ବଖରା ଚାଳ ଛପର ଘର ପୋଡ଼ି ପାଉଁଶ ହୋଇଯାଇଥିବା ବେଳେ ଘରର ସମସ୍ତ ଆସବାବପତ୍ର ଜଳି ପୋଡ଼ି ଛାରଖାର ହୋଇଯାଇଛି । ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିବା ଜଣାପଡ଼ିଛି । ସୂଚନା ମୁତାବକ, ଗତ ଦୁଇ ଦିନ ତଳେ ମଧ୍ୟ ଅନୁରୂପ ଭାବେ ଜଙ୍ଖୁରୀ ଗାଁରେ ଅଗ୍ନିକାଣ୍ଡ ଘଟି ଥିଲା । ଅଗ୍ନିକାଣ୍ଡର ସଠିକ୍ କାରଣ ଜଣାପଡିନାହିଁ । ଗତକାଲି ଖବର ପାଇ ବାଲିକୁଦା ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ । ମାତ୍ର ରାତି ଅଧରେ ଅଘଟଣ ଘଟିଥିବାରୁ ଏବଂ ପାଖ ପଡୋଶୀ ଓ ଗାଁ ଲୋକେ ଶୋଇ ଯାଇଥିବାରୁ ଘରର କୌଣସି ଗୋଟିଏ ହେଲେ ଜିନିଷ ପତ୍ର ଉଦ୍ଧାର କରାଯିବା ସମ୍ଭବ ହୋଇ ନଥିଲା । ଉକ୍ତ ବିପନ୍ନ ପରିବାରଙ୍କୁ ସରକାରୀ ସହାୟତା ଯୋଗାଇ ଦିଆଯିବାକୁ ବିଭିନ୍ନ ଆଡୁ ଦାବୀ ହେଉଛି ।