ଭାରତ ପେଟ୍ରୋଲିୟମ କର୍ପୋରେସନ ଲିମିଟେଡ ପେଟ୍ରୋଲ ପମ୍ପରେ ଡିଜିଟାଲ ପେମେଣ୍ଟ କଲେ ପ୍ରତି ଶହେରେ ଦୁଇ ଟଙ୍କା ଅଧିକ ତେଲ ମିଳୁଛି
ଟିଟିଲାଗଡ଼, (ସଞ୍ଜୟ କୁମାର ନାୟକ) : ଭାରତ ସରକାରଙ୍କ ଡିଜିଟାଲ ପେମେଣ୍ଟକୁ ପ୍ରଚାର ପ୍ରସାର କରିବା ତଥା ଲୋକଙ୍କ ହାତରେ ଅତି ଶୀଘ୍ର ଲେନ୍ଦେନ୍ କରିବା ପାଇଁ ଆଜିକାଲି ସବୁଆଡେ ଡିଜିଟାଲ ପେମେଣ୍ଟ ପ୍ରକ୍ରିୟା ଆରମ୍ଭ ହୋଇଛି । ଏହି ପରିପ୍ରେକ୍ଷୀରେ ଭାରତ ପେଟ୍ରୋଲିୟମ କର୍ପୋରେସନ ତରଫରୁ ନୂଆବର୍ଷ ଆରମ୍ଭରୁ ଅର୍ଥାତ ୩ ତାରିଖରୁ ପ୍ରତି ଦୁଇଶହ ଟଙ୍କାରୁ ଅଧିକ ଟଙ୍କାର ପେଟ୍ରୋଲ ଡିଜିଟାଲ ପେମେଣ୍ଟ ଜରିଆରେ ପ୍ରଦାନ କଲେ ୪ଟଙ୍କା ଅଧିକ ତେଲ ମିଳୁଛି । ଅର୍ଥାତ ଶହେରେ ଦୁଇ ଟଙ୍କା ହିସାବରେ । ଯେତେ ଅଧିକ ତେଲ ପକାଇବେ ସେତେ ଶହେକୁ ଦୁଇ ଟଙ୍କା ହିସାବରେ ଅଧିକ ତେଲ ମିଳିବ । ଏହି ସୁବିଧା ଟିଟିଲାଗଡ଼ ପିପଲ୍ପଦର୍ ସ୍ଥିତ ଅଞ୍ଜନି ଫିଲିଂ ଷ୍ଟେସନ୍ ଠାରେ ଉପଲବ୍ଧ ହେଉଛି । ଏ ବିଷୟରେ ପେଟ୍ରୋଲ ପମ୍ପ ମାଲିକ ଅମିତ୍ ଜୈନ ଆମ ପ୍ରତିନିଧିଙ୍କୁ ସାକ୍ଷାତକାରରେ ସୁଚନା ଦେଇଛନ୍ତି ।