ଦେଓଗାଁ, (ମନୀଷ କୁମାର ସାହୁ) : ଦେଓଗାଁରୁ ଟିକ୍ରାପଡ଼ା ଭାୟା ଗାଈବାହାଲ ରାସ୍ତାର ଅର୍ଡ଼ା ସପ୍ତାହିକ ବଜାରଠାରୁ ଭୁତିଆରବାହାଲ ଛକ ପର୍ଯ୍ୟନ୍ତ ୩ କିଲୋମିଟର ରାସ୍ତାକୁ ଓସାରିଆ କରିବା ପାଇଁ ଗ୍ରାମ୍ୟ ଉନ୍ନୟନ ବିଭାଗ ଅଧିନରେ ଥିବା ଏହି ରାସ୍ତାର ଉନ୍ନତି ପାଇଁ ପୂର୍ତ୍ତ ବିଭାଗ ଅଧିନକୁ ଦିଆଗଲା । ବିଭିନ୍ନ ସମୟରେ ରାସ୍ତାର ଉନ୍ନତି ହୋଇଛି । ହେଲେ ଇତି ମଧ୍ୟରେ ୩ କୋଟି ଟଙ୍କା ବିନିମୟରେ ରାସ୍ତା ଓସାରିଆ ମଜବୁତ କରିବା ପାଇଁ ଅନୁଦାନ ଆସିଛି । କିଛି କାମ କରି ଠିକା ନେଇ ଥିବା ସଂସ୍ଥା କାମ ବନ୍ଦ କରି ଫେରାର ମାରି ଥିବାରୁ ରାସ୍ତାରେ ପ୍ରତି ଦିନ ଯିବା ଆସ କରୁଥିବା ଯାତ୍ରୀମାନେ ହଇରାଣ ହେଉଥିବା ଅଭିଯୋଗ ହେଉଛି । ଏପରି କି କୌଣସି ୪ ଚକିଆ ଯାନ ପଛେ ବାଇକରେ ଗଲେ ଧୁଲି ଯୋଗୁଁ ବହୁ ହଇରାଣ ହେଉଥିବା ଦେଖବାକୁ ମିଳୁଛି ।