ନୂଆପଡ଼ା : ସୋମବାର ୮ ଘଣ୍ଟିଆ ନୂଆପଡ଼ା ଜିଲ୍ଲା ବନ୍ଦ । ବିଭିନ୍ନ ଦାବି ନେଇ ନୂଆପଡ଼ା ଶ୍ରମିକ ମହାସଂଘ ପକ୍ଷରୁ ଏହି ବନ୍ଦ ଡାକରା ଦିଆଯାଇଛି । ଜିଲ୍ଲାରେ ଶ୍ରମିକ ସମସ୍ୟା, ଦାଦନ ମୁକ୍ତ, ବେଆଇନ୍ ମଦ ବିକ୍ରି, ବେକାରୀଙ୍କୁ ରୋଜଗାର, ଭ୍ରଷ୍ଟାଚାର ମୁକ୍ତ ପରି ଅନେକ ଦାବି ନେଇ ଜିଲ୍ଲାକୁ ସଂପୂର୍ଣ୍ଣ ବନ୍ଦ କରିଛି ନୂଆପଡ଼ା ଶ୍ରମିକ ମହାସଂଘ । ନୂଆପଡା ସହର ସ୍ଥିତ ଏକତା ଛକ ସହ କୁରୁମପୁରୀ, ତରବୋଡ଼, ଉଦ୍ୟାନବନ୍ଧ, କୋମନା, ଖଡ଼ିଆଳଠାରେ ଜାତୀୟ ରାଜପଥ ୩୫୩ ଅବରୋଧ । ଜିଲ୍ଲାର ସମସ୍ତ ଦୋକାନ ବଜାର ସହ ଗାଡି ଚଳାଚଳ ବନ୍ଦ ରହିଛି ।