• ଆଇଏଫଏଫଆଇ ୨୦୨୪ରେ ରେକର୍ଡ ସଂଖ୍ୟକ ପ୍ରତିନିଧି, ୨୮ଟି ଦେଶର ବିଦେଶୀ ପ୍ରତିନିଧି ଏହି ଚଳଚ୍ଚିତ୍ର ମହୋତ୍ସବରେ କଲେ ଅଂଶଗ୍ରହଣ
• ଫିଲ୍ମ ବଜାରରେ ସର୍ବାଧିକ ପ୍ରତିନିଧିଙ୍କ ଅଂଶଗ୍ରହଣ ଏବଂ ଫିଲ୍ମ ବଜାରରେ ବିଜନେସ୍ ପ୍ରୋଜେକ୍ସନ ପରିମାଣ ୫୦୦ କୋଟି ଟଙ୍କା ଅତିକ୍ରମ କରିବା ଏକ ଉଲ୍ଲେଖନୀୟ ଉପଲବ୍ଧି
• ଅନ୍ତର୍ଜାତୀୟ ଚଳଚ୍ଚିତ୍ର ଓ ଇଣ୍ଡିଆନ ପାନୋରାମାର ମାଷ୍ଟର କ୍ଲାସେସ୍ ଏବଂ ସ୍କ୍ରିନିଂ ହାଉସଫୁଲ୍ ହେଲା
ନୂଆଦିଲ୍ଲୀ, (ପିଆଇବି) : ସମସ୍ତ ଭଲ କାର୍ଯ୍ୟର ନିଶ୍ଚିତ ଭାବେ ଶେଷ ହୋଇଥାଏ । ଆଇଏଫଏଫଆଇ ୨୦୨୪ ମଧ୍ୟ ୨୮, ନଭେମ୍ବର ୨୦୨୪ରେ ଗୋଆର ଡକ୍ଟର ଶ୍ୟାମା ପ୍ରସାଦ ମୁଖାର୍ଜୀ ଇଣ୍ଡୋର ଷ୍ଟାଡିୟମରେ ଶେଷ ହୋଇଛି । କିନ୍ତୁ ଅବଶ୍ୟ ସିନେମାର ଯାଦୁ ଏବଂ କାହାଣୀର ଭାବନାକୁ ପାଳନ କରିବାରେ ଏହାର ସ୍ଥାୟୀ ପ୍ରଭାବ ଏବଂ ଭବିଷ୍ୟତର ଚଳଚ୍ଚିତ୍ର ନିର୍ମାତାଙ୍କ ପାଇଁ ଅନେକ ମାର୍ଗ ପ୍ରତିଶ୍ରୁତି ଦେଇଯାଇଛି । ଆଇଏଫଏଫଆଇର ୨୦୨୪ ସଂସ୍କରଣରେ ୧୧,୩୩୨ ଜଣ ପ୍ରତିନିଧି ଅଂଶଗ୍ରହଣ କରିଥିଲେ, ଯାହାକି ଆଇଏଫଏଫଆଇ ୨୦୨୩ ତୁଳନାରେ ୧୨% ଅଧିକ । ଭାରତର ୩୪ଟି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳରୁ ଆସିଥିବା ପ୍ରତିନିଧି ଏବଂ ୨୮ଟି ଦେଶରୁ ଆସିଥିବା ଅନ୍ତର୍ଜାତୀୟ ପ୍ରତିଯୋଗୀମାନେ ଯୋଗ ଦେଇଥିଲେ । ଫିଲ୍ମ ବଜାର କ୍ଷେତ୍ରରେ ପ୍ରତିନିଧିଙ୍କ ସଂଖ୍ୟା ୧୮୭୬କୁ ବୃଦ୍ଧି ପାଇଛି, ଯାହାକି ଗତବର୍ଷ ୭୭୫ ତୁଳନାରେ ଯଥେଷ୍ଟ ଅଧିକ। ବିଦେଶୀ ପ୍ରତିନିଧିମାନେ ୪୨ଟି ଦେଶର ପ୍ରତିନିଧିତ୍ୱ କରିଥିଲେ । ଚଳିତ ବର୍ଷ ଫିଲ୍ମ ବଜାରରେ ବ୍ୟବସାୟ ଆକଳନ ୫୦୦ କୋଟି ଟଙ୍କା ଅତିକ୍ରମ କରିଛି, ଯାହା ଏକ ଗୁରୁତ୍ୱପୂର୍ଣ୍ଣ ଉପଲବ୍ଧି । ୧୫ଟି ଶିଳ୍ପ ଅଂଶୀଦାରଙ୍କୁ ନେଇ ଟେକ୍ ପ୍ୟାଭିଲିୟନ ମଧ୍ୟ ଅଂଶଗ୍ରହଣକାରୀ ପ୍ରତିନିଧିମାନଙ୍କ ପାଇଁ ଏକ ଆକର୍ଷଣୀୟ ଉପାଦାନ ଥିଲା । ଶିଳ୍ପ ଅଂଶୀଦାରମାନଙ୍କଠାରୁ ୧୫.୩୬ କୋଟି ଟଙ୍କାର ପ୍ରାୟୋଜକତା ହାସଲ କରାଯାଇଥିଲା । ଏଠାରେ ୫୫ତମ ଅନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବର ପ୍ରମୁଖ ଘଟଣାଗୁଡ଼ିକର ସଂକ୍ଷିପ୍ତ ବିବରଣୀ ଦିଆଯାଇଛି ।
ଉଦଘାଟନୀ ଓ ସମାପନ ସମାରୋହ
ଉଦଘାଟନୀ ଓ ସମାପନ ସମାରୋହରେ ଉଭୟ ଭାରତୀୟ ଓ ଅନ୍ତର୍ଜାତୀୟ ଚଳଚ୍ଚିତ୍ର ତାରକାଙ୍କ ଉପସ୍ଥିତି ସହିତ ରଙ୍ଗାରଙ୍ଗ କାର୍ଯ୍ୟକ୍ରମ ପରିବେଷଣ କରାଯାଇଥିଲା । ଉଦଘାଟନୀ ସମାରୋହରେ ଶତବାର୍ଷିକୀ ଉତ୍ସବ ଏବଂ ଭାରତୀୟ ଚଳଚ୍ଚିତ୍ରର ସମୃଦ୍ଧ ବିବିଧତାକୁ ଶ୍ରଦ୍ଧାଞ୍ଜଳି ଅର୍ପଣ କରାଯାଇଥିଲା । ସମାପନୀ ସମାରୋହରେ ସଙ୍ଗୀତ ଓ ନୃତ୍ୟ ପରିବେଷଣ କରାଯିବା ସହ ଫିଲିପ୍ ନୋଏସଙ୍କୁ ସତ୍ୟଜିତ୍ ରାୟ ଜୀବନବ୍ୟାପୀ ସାଧନା ପୁରସ୍କାର ଏବଂ ବିକ୍ରାନ୍ତ ମେସିଙ୍କୁ ଇଣ୍ଡିଆନ୍ ଫିଲ୍ମ ପର୍ସନାଲିଟି ଅଫ୍ ଦି ଇୟର ପୁରସ୍କାର ପ୍ରଦାନ କରାଯିବା ସହିତ ଅନ୍ୟ ଉଲ୍ଲେଖନୀୟ ସଫଳତାକୁ ସମ୍ମାନିତ କରାଯାଇଥିଲା ।
ଅନ୍ତର୍ଜାତୀୟ ସିନେମା
ଆଇଏଫଏଫଆଇରେ ଅନ୍ତର୍ଜାତୀୟ ଚଳଚ୍ଚିତ୍ରରେ ୧୮୦୦ରୁ ଅଧିକ ଉପସ୍ଥାପନା ମଧ୍ୟରୁ ୧୮୯ଟି ଚଳଚ୍ଚିତ୍ରକୁ ଚୟନ କରାଯାଇଥିଲା । ଏଥିରେ ୧୬ଟି ବିଶ୍ୱ ପ୍ରିମିୟର, ୩ଟି ଅନ୍ତର୍ଜାତୀୟ ପ୍ରିମିୟର, ୪୪ଟି ଏସିଆ ପ୍ରିମିୟର ଏବଂ ୧୦୯ଟି ଭାରତୀୟ ପ୍ରିମିୟର ରହିଛି । ୮୧ଟି ଦେଶର ଚଳଚ୍ଚିତ୍ର ପରଦାରେ ପ୍ରଦର୍ଶିତ ହୋଇଥିଲା, ଯେଉଁଥିରେ ବିଭିନ୍ନ ସଂସ୍କୃତି, ସ୍ୱର ଏବଂ ଦୃଶ୍ୟ ପ୍ରଦର୍ଶିତ ହୋଇଥିଲା । ସମ୍ମାନଜନକ ଅନ୍ତର୍ଜାତୀୟ ପ୍ରତିଯୋଗିତା ପୁରସ୍କାର ପାଇଁ ୧୫ଟି, ଆଇସିଏଫଟି ୟୁନେସ୍କୋ ଗାନ୍ଧୀ ପଦକ ବିଭାଗରେ ୧୦ଟି ଏବଂ ନିର୍ଦ୍ଦେଶକ ବର୍ଗରେ ଶ୍ରେଷ୍ଠ ଡେବ୍ୟୁ ଫିଚର ଫିଲ୍ମ ପାଇଁ ୭ଟି ଚଳଚ୍ଚିତ୍ର ପ୍ରତିଦ୍ୱନ୍ଦ୍ୱିତା କରିଥିଲେ । ‘କଣ୍ଟ୍ରି ଫୋକସ୍ ଅନ୍ ଅଷ୍ଟ୍ରେଲିଆ’ ଏହି ଲାଇନ୍ ଅପରେ ଏକ ସ୍ୱତନ୍ତ୍ର ସ୍ୱାଦ ଯୋଡ଼ିଛି, ଯେଉଁଥିରେ ସ୍କ୍ରିନ୍ ଅଷ୍ଟ୍ରେଲିଆ ସହ ଚୁକ୍ତି ସହଯୋଗରେ ଶ୍ରେଷ୍ଠ ଅଷ୍ଟ୍ରେଲୀୟ ସିନେମାର ପ୍ରଦର୍ଶନ କରାଯାଇଛି । ମାଇକେଲ୍ ଗ୍ରେସିଙ୍କ ନିର୍ଦ୍ଦେଶିତ ଅଷ୍ଟ୍ରେଲୀୟ ଚଳଚ୍ଚିତ୍ର ବେଟର ମ୍ୟାନର ପ୍ରଦର୍ଶନ ସହ ଏହି ମହୋତ୍ସବ ଆରମ୍ଭ ହୋଇଥିଲା । ଶେଷରେ ପ୍ରଦର୍ଶିତ ଚଳଚ୍ଚିତ୍ର ଗୁଡ଼ିକ ମଧ୍ୟରେ ଲିଥୁଆନୀୟ ଚଳଚ୍ଚିତ୍ର ‘ଟକ୍ସିକ୍’ ଶ୍ରେଷ୍ଠ ଚଳଚ୍ଚିତ୍ର ଭାବେ ସ୍ୱର୍ଣ୍ଣ ମୟୂର ଏବଂ ରୋମାନୀୟ ଚଳଚ୍ଚିତ୍ର ‘ଏ ନ୍ୟୁ ଇୟର ଦ୍ୟାଟ୍ ନେଭର କମ୍’ ଶ୍ରେଷ୍ଠ ନିର୍ଦ୍ଦେଶକ ଭାବେ ରୌପ୍ୟ ମୟୂର ପୁରସ୍କାର ଜିତିଥିଲା ।
ଗାଲା ପ୍ରେମିୟର୍ସ ଏବଂ ରେଡ୍ କାର୍ପେଟ୍
ଇନକ୍ସ ପଞ୍ଜିମ୍ ସ୍ଥାନରେ ଅନ୍ତର୍ଜାତୀୟ ବିଭାଗ, ଇଣ୍ଡିଆନ୍ ପାନୋରାମା, ଗୋଆନ୍ ସେକ୍ସନ୍ ଏବଂ ବିୟଣ୍ଡ ଇଣ୍ଡିଆନ୍ ପାନୋରାମାର ୧୦୦ରୁ ଅଧିକ ରେଡ୍ କାର୍ପେଟ୍ ଇଭେଣ୍ଟ ପ୍ରଦର୍ଶିତ ହୋଇଥିଲା ।
ଇଣ୍ଡିଆନ ପାନୋରାମା
ଚଳିତ ବର୍ଷ ଇଣ୍ଡିଆନ୍ ପାନୋରାମା ୨୦୨୪ରେ ୨୫ଟି ଫିଚର ଫିଲ୍ମ ଓ ୨୦ଟି ନନ୍ ଫିଚର ଫିଲ୍ମକୁ ଚୟନ କରାଯାଇଛି । ଏହି ଚୟନ ପ୍ରକ୍ରିୟା ସମଗ୍ର ଭାରତରେ ସିନେମା ଜଗତର ପ୍ରତିଷ୍ଠିତ ବ୍ୟକ୍ତିତ୍ୱଙ୍କୁ ନେଇ ଗଠିତ ଏକ ପ୍ୟାନେଲ ଦ୍ୱାରା ପରିଚାଳିତ ହୋଇଥାଏ, ଯେଉଁଥିରେ ଫିଚର ଚଳଚ୍ଚିତ୍ର ପାଇଁ ୧୨ ଜଣ ବିଚାରକ ଏବଂ ଅଣ-ଫିଚର ଚଳଚ୍ଚିତ୍ର ପାଇଁ ଛଅ ଜଣ ବିଚାରକ ସଦସ୍ୟ ରହିଥାନ୍ତି । ‘ଯୁବ ଚଳଚ୍ଚିତ୍ର ନିର୍ମାତା’କୁ କେନ୍ଦ୍ର କରି ଆଇଏଫଏଫଆଇର ବିଷୟବସ୍ତୁକୁ ଆଧାର କରି ସାରା ଦେଶରେ ଯୁବ ଚଳଚ୍ଚିତ୍ର ନିର୍ମାଣ ପ୍ରତିଭାଙ୍କୁ ଚିହ୍ନିବା ପାଇଁ ଏକ ନୂତନ ପୁରସ୍କାର ପ୍ରତିଷ୍ଠା କରାଯାଇଥିଲା । ଉଦଯାପନୀ ସମାରୋହରେ ପ୍ରମାଣପତ୍ର ଓ ନଗଦ ୫ ଲକ୍ଷ ଟଙ୍କାର ପୁରସ୍କାର ପାଇଁ ମୋଟ ୧୦୨ଟି ଚଳଚ୍ଚିତ୍ର ପ୍ରତିଯୋଗିତା କରିଥିବା ବେଳେ ନବଜ୍ୟୋତ ବନ୍ଦିୱାଡେକରଙ୍କ ଗ୍ରାହତ୍ ଗଣପତି ଏଥିରେ ବିଜୟୀ ହୋଇଥିଲା ।
‘ଯୁବ ଚଳଚ୍ଚିତ୍ର ନିର୍ମାତା’- ‘ଭବିଷ୍ୟତ ଏବେ’ ବିଷୟବସ୍ତୁ ଉପରେ ଆଇଏଫଏଫଆଇର ବିଷୟବସ୍ତୁରେ ଗୁରୁତ୍ୱାରୋପ କରାଯାଇଛି
ମାନ୍ୟବର ସୂଚନା ଓ ପ୍ରସାରଣ ମନ୍ତ୍ରୀଙ୍କ ଦୃଷ୍ଟିକୋଣ ଅନୁଯାୟୀ ଆଇଏଫଏଫଆଇର ବିଷୟବସ୍ତୁ “ଯୁବ ଚଳଚ୍ଚିତ୍ର ନିର୍ମାତା” ଉପରେ ଗୁରୁତ୍ୱାରୋପ କରିଥିଲା, ସୃଜନଶୀଳତାର ଭବିଷ୍ୟତ ଗଠନରେ ସେମାନଙ୍କର ସାମର୍ଥ୍ୟକୁ ସ୍ୱୀକୃତି ଦେଇଥିଲା । କ୍ରିଏଟିଭ୍ ମାଇଣ୍ଡସ୍ ଅଫ୍ ଟୁମରୋ, ପ୍ଲାଟଫର୍ମର ପଦକ୍ଷେପକୁ ପୂର୍ବ ସଂସ୍କରଣ ତୁଳନାରେ ୭୫ରୁ ବଢ଼ାଇ ୧୦୦ ଜଣ ଯୁବ ପ୍ରତିଭାଙ୍କୁ ସହାୟତା କରିବା ପାଇଁ ବ୍ୟବସ୍ଥା କରାଯାଇଥିଲା । ଦେଶର ବିଭିନ୍ନ ଫିଲ୍ମ ସ୍କୁଲରୁ ପ୍ରାୟ ୩୫୦ ଜଣ ଯୁବ ଚଳଚ୍ଚିତ୍ର ଛାତ୍ରଙ୍କୁ ଆଇଏଫଏଫଆଇରେ ଯୋଗ ଦେବା ପାଇଁ ମନ୍ତ୍ରଣାଳୟ ପକ୍ଷରୁ ସହାୟତା କରାଯାଇଥିଲା । ସମଗ୍ର ଭାରତରେ ଯୁବ ଚଳଚ୍ଚିତ୍ର ନିର୍ମାଣ ପ୍ରତିଭାଙ୍କୁ ଚିହ୍ନିବା ପାଇଁ ଏକ ନୂତନ ବିଭାଗ ଏବଂ ଶ୍ରେଷ୍ଠ ପଦାର୍ପଣକାରୀ ଭାରତୀୟ ନିର୍ଦ୍ଦେଶକ ପୁରସ୍କାର ପ୍ରତିଷ୍ଠା କରାଯାଇଛି । ମାଷ୍ଟରକ୍ଲାସ, ପ୍ୟାନେଲ ଆଲୋଚନା, ଫିଲ୍ମ ମାର୍କେଟ ଏବଂ ଫିଲ୍ମ ପ୍ୟାକେଜ ସମସ୍ତ ଯୁବ ନିର୍ମାତାଙ୍କ ପାଇଁ ପ୍ରସ୍ତୁତ କରାଯାଇଥିଲା । ଯୁବଗୋଷ୍ଠୀଙ୍କ ଅଂଶଗ୍ରହଣ ଓ ଯୋଗଦାନ ବୃଦ୍ଧି ପାଇଁ ‘ଆଇଏଫଏଫଆଇ ଇଷ୍ଟା’- ଏକ ମନୋରଞ୍ଜନ ଜୋନ୍ ଆରମ୍ଭ ହୋଇଛି ।
‘ଆଇଏଫଏଫଆଇ ଇଷ୍ଟା’
ଜୋମାଟୋ ସହଯୋଗରେ ଇଫିଏଷ୍ଟା ପକ୍ଷରୁ “ଡିଷ୍ଟ୍ରିକ୍ଟ” ନାମକ ଏକ ଜୀବନ୍ତ ମନୋରଞ୍ଜନ ଜୋନ ସୃଷ୍ଟି କରାଯାଇଛି, ଯେଉଁଥିରେ ଖାଦ୍ୟ ଷ୍ଟଲ ଏବଂ ସ୍ୱତନ୍ତ୍ର ଭାବରେ ପ୍ରସ୍ତୁତ ପ୍ରଦର୍ଶନର ଏକ ଅନନ୍ୟ ମିଶ୍ରଣ ଉପଲବ୍ଧ ହେଉଛି । ଏଥିରେ ‘ହ୍ୱେନ ଚାଇ ମେଟ୍ ଟୋଷ୍ଟ ଏବଂ ଆଶିଷ କୌରଙ୍କ ଅଭିନୟ ଅନ୍ତର୍ଭୁକ୍ତ । ଏହି ଜୋନର ମୁଖ୍ୟ ଆକର୍ଷଣ ଥିଲା ସଫରନାମା ନାମକ ଏକ ପ୍ରଦର୍ଶନୀ, ଯେଉଁଥିରେ ଭାରତୀୟ ଚଳଚ୍ଚିତ୍ର ନିର୍ମାଣର ସମୃଦ୍ଧ ଇତିହାସକୁ ଦର୍ଶାଯାଇଥିଲା । ଏହାବ୍ୟତୀତ ସେଣ୍ଟ୍ରାଲ ବ୍ୟୁରୋ ଅଫ୍ କମ୍ୟୁନିକେସନ୍ ପକ୍ଷରୁ ଏକ ସ୍ୱତନ୍ତ୍ର ଅଭିଜ୍ଞତା ଜୋନ୍ ଯୋଗଦେଇଥିବା ଲୋକଙ୍କୁ ଏକ ଆକର୍ଷଣୀୟ ଅନୁଭୂତି ପ୍ରଦାନ କରିଥିଲା, ଯାହା କାର୍ଯ୍ୟକ୍ରମର କେନ୍ଦ୍ରବିନ୍ଦୁ ପାଲଟିଥିଲା । ୬୦୦୦ ଛାତ୍ରଛାତ୍ରୀଙ୍କୁ ମିଶାଇ ମୋଟ ୧୮,୭୯୫ ଜଣ ପର୍ଯ୍ୟଟକ ଆଇଏଫଏଫଆଇଇଷ୍ଟାକୁ ଉପଭୋଗ କରିଥିଲେ ।
ସିନେମା ଆଇକନ୍ ପାଳନ : ଆଇଏଫଏଫଆଇ ୨୦୨୪ରେ ଶତବାର୍ଷିକୀ ଶ୍ରଦ୍ଧାଞ୍ଜଳି
ନଭେମ୍ବର ୨୦୨୪ରେ ଅନୁଷ୍ଠିତ ୫୫ତମ ଅନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବ (ଆଇଏଫଏଫଆଇ) ଏକ ଐତିହାସିକ ଉତ୍ସବ ଥିଲା ଯେଉଁଥିରେ ଭାରତୀୟ ସିନେମାର ଚାରି ଜଣ କିମ୍ବଦନ୍ତୀ ବ୍ୟକ୍ତିତ୍ୱ ଅକ୍କିନେନି ନାଗେଶ୍ୱର ରାଓ (ଏଏନ୍ଆର୍), ରାଜ କପୁର, ମହମ୍ମଦ ରଫି ଏବଂ ତପନ ସିହ୍ନାଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରାଯାଇଥିଲା । ସେମାନଙ୍କ ଉଲ୍ଲେଖନୀୟ ପରମ୍ପରାର ଶତବାର୍ଷିକୀ ପାଳନ ଅବସରରେ ଏହି ମହୋତ୍ସବ ସେମାନଙ୍କ ଅତୁଳନୀୟ ଅବଦାନକୁ ସୁଚିନ୍ତିତ କାର୍ଯ୍ୟକ୍ରମ, ଷ୍ଟାମ୍ପ ରିଲିଜ୍, ସ୍କ୍ରିନିଂ ଏବଂ ପରିବେଷଣ ମାଧ୍ୟମରେ ସାମ୍ନାକୁ ଆଣିଥିଲା ।
ପୁନରୁଦ୍ଧାର ହୋଇଥିବା ଶ୍ରେଷ୍ଠ ଚଳଚ୍ଚିତ୍ର
ଆଇଏଫଏଫଆଇ ୨୦୨୪ରେ ଏନଏଫଡିସି – ନେସନାଲ ଫିଲ୍ମ ଆର୍କାଇଭ ଅଫ୍ ଇଣ୍ଡିଆ ଦ୍ୱାରା ଉପସ୍ଥାପିତ ହୋଇଥିବା ପୁନରୁଦ୍ଧାର ଶ୍ରେଷ୍ଠ ଚଳଚ୍ଚିତ୍ର ବିଭାଗରେ ସୂଚନା ଏବଂ ପ୍ରସାରଣ ମନ୍ତ୍ରଣାଳୟର ଏକ ପଦକ୍ଷେପ ଜାତୀୟ ଚଳଚ୍ଚିତ୍ର ଐତିହ୍ୟ ମିଶନର ଅଂଶ ଭାବରେ ଏନଏଫଡିସି-ଏନଏଫଏଆଇ ଦ୍ୱାରା କରାଯାଇଥିବା ଚଳଚ୍ଚିତ୍ରଗୁଡିକର ଡିଜିଟାଲ ପୁନରୁଦ୍ଧାରକୁ ଦର୍ଶାଯାଇଥିଲା । ଏହି ବିଭାଗରେ ଭାରତୀୟ ସିନେମାର ଡିଜିଟାଇଜେସନ୍ ଏବଂ ପୁନରୁଦ୍ଧାର କାର୍ଯ୍ୟ ଉପରେ ଧ୍ୟାନ ଦେଇ ଭାରତୀୟ ସିନେମାର ସଂରକ୍ଷଣ ପାଇଁ ଏନଏଫଡିସି-ଏନଏଫଏଆଇର ନିରନ୍ତର ପ୍ରୟାସ ଉପରେ ଆଲୋକପାତ କରାଯାଇଛି । ପ୍ରଦର୍ଶିତ ଉଲ୍ଲେଖନୀୟ ଚଳଚ୍ଚିତ୍ରଗୁଡ଼ିକ ହେଲା :
୧. କାଳୀୟ ମର୍ଦାନ (୧୯୧୯)-ସ୍ୱତନ୍ତ୍ର ଲାଇଭ୍ ସାଉଣ୍ଡ ଥିବା ଦାଦା ସାହେବ ଫାଲକେଙ୍କ ନୀରବ ଚଳଚ୍ଚିତ୍ରକୁ ଦର୍ଶକ ଖୁବ ପସନ୍ଦ କରିଥିଲେ ।
୨. ଶତାବ୍ଦୀମାନଙ୍କ ପାଇଁ :
• ରାଜ କପୁରଙ୍କ ଆୱାରା (୧୯୫୧)
• ଏଏନଆର୍ଙ୍କ ଦେବଦାସୁ (୧୯୫୩)
• ହମ୍ ଦୋନୋ (୧୯୬୧) ରଫିଙ୍କ ଗୀତ ସହିତ
• ତପନ ସିହ୍ନାଙ୍କ ହାର୍ମୋନିୟମ'(୧୯୭୫)
• ସତ୍ୟଜିତ ରାୟଙ୍କ ସୀମାବାଦ୍ଧା (୧୯୭୧)
କ୍ରିଏଟିଭ୍ ମାଇଣ୍ଡସ୍ ଅଫ୍ ଟୁମୋରୋ
ଆଇଏଫଏଫଆଇର ୨୦୨୪ ସଂସ୍କରଣରେ ଭାରତର ୩୫ଟି ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳରୁ ୧,୦୭୦ ଟି ଆବେଦନ ଗ୍ରହଣ କରାଯାଇଥିଲା, ଯେଉଁଥିରେ ଚଳଚ୍ଚିତ୍ର ନିର୍ମାଣର ୧୩ଟି ବର୍ଗ ରହିଛି । ୭୧ ଜଣ ପୁରୁଷ ଓ ୨୯ ଜଣ ମହିଳା (୨୦୨୩ରେ ୧୬ ଜଣ ମହିଳା ଅଂଶଗ୍ରହଣକାରୀଙ୍କ ତୁଳନାରେ ଉଲ୍ଲେଖନୀୟ ବୃଦ୍ଧି) ସମେତ ସମୁଦାୟ ୧୦୦ ଜଣ ଅଂଶଗ୍ରହଣକାରୀଙ୍କୁ ଚୟନ କରାଯାଇଥିଲା । ଏହି ଅଂଶଗ୍ରହଣକାରୀମାନେ ୨୨ଟି ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳକୁ ପ୍ରତିନିଧିତ୍ୱ କରିଥିଲେ ଏବଂ କାର୍ଯ୍ୟକ୍ରମରେ ବିଭିନ୍ନ ସ୍ୱର ଏବଂ ଅନୁଭୂତି ଆଣିଥିଲେ । ମହୋତ୍ସବରେ ୧୦ ଜଣ ଲେଖାଏଁ ପ୍ରତିଯୋଗୀଙ୍କୁ ନେଇ ୪୮ ଘଣ୍ଟା ମଧ୍ୟରେ ୫ଟି କ୍ଷୁଦ୍ର ଚଳଚ୍ଚିତ୍ର ନିର୍ମାଣ କରାଯାଇଥିଲା । ଏହି ସିନେମାଗୁଡ଼ିକ ମଧ୍ୟରେ ହିନ୍ଦୀରେ ଗୁଲୁ (ନିର୍ଦ୍ଦେଶକ: ଅର୍ଶାଲି ଜୋସ), କୋଙ୍କଣୀ ଓ ଇଂରାଜୀରେ ଦ ୱିଣ୍ଡୋ (ନିର୍ଦ୍ଦେଶକ: ପୀୟୂଷ ଶର୍ମା), ଇଂରାଜୀରେ ୱି କ୍ୟାନ୍ ହର୍ ଦ ସେମ୍ ମ୍ୟୁଜିକ୍ (ନିର୍ଦ୍ଦେଶକ: ବୋନିତା ରାଜପୁରୋହିତ୍), ଇଂରାଜୀରେ ଲଭ୍ ଫିକ୍ସ ସବସ୍କ୍ରିପ୍ସନ (ନିର୍ଦ୍ଦେଶକ: ମଲ୍ଲିକା ଜୁନେଜା) ଏବଂ ହିନ୍ଦୀ/ଇଂରାଜୀରେ ହେ ମାୟା (ନିର୍ଦ୍ଦେଶକ: ସୂର୍ଯ୍ୟାଂଶ ଦେଓ ଶ୍ରୀବାସ୍ତବ) ଆଦି ରହିଛି । ଏହି ଚଳଚ୍ଚିତ୍ରଗୁଡ଼ିକୁ ଶୀର୍ଷ ବିଚାରକ ମଣ୍ଡଳୀ ଦ୍ୱାରା ବିଚାର କରାଯାଇଥିଲା, ଯେଉଁଥିରେ ନିମ୍ନଲିଖିତ ଚଳଚ୍ଚିତ୍ରଗୁଡ଼ିକ ବିଜେତା ହୋଇଥିଲେ: ଶ୍ରେଷ୍ଠ ଚଳଚ୍ଚିତ୍ର -ଗୁଲୁ (ଅର୍ଶାଲି ଜୋସ), ପ୍ରଥମ ଉପବିଜେତା -ୱି କ୍ୟାନ୍ ହର୍ ଦ ସମ ମ୍ୟୁଜିକ୍ (ବୋନିତା ରାଜପୁରୋହିତ), ଶ୍ରେଷ୍ଠ ନିର୍ଦ୍ଦେଶକ – ଅର୍ଶାଲି ଜୋସ୍ (ଗୁଲୁ), ଶ୍ରେଷ୍ଠ ସ୍କ୍ରିପ୍ଟ – ଅଧିରାଜ ବୋଷ (ଲଭ୍ ଫିକ୍ସ ସବସ୍କ୍ରିପ୍ସନ), ଶ୍ରେଷ୍ଠ ଅଭିନେତ୍ରୀ – ବିଶାଖା ନାୟକ (ଲଭ୍ ଫିକ୍ସ ସବସ୍କ୍ରିପ୍ସନ) ଏବଂ ଶ୍ରେଷ୍ଠ ଅଭିନେତା – ପୁଷ୍ପେନ୍ଦ୍ର କୁମାର (ଗୁଲୁ) ।
କ୍ରିଏଟିଭ ମାଇଣ୍ଡସ ପ୍ରତିଯୋଗୀମାନେ ମଧ୍ୟ ଏକ ପ୍ରତିଭା ଶିବିରରେ ଅଂଶଗ୍ରହଣ କରିଥିଲେ, ଯାହାଫଳରେ ଉଦୀୟମାନ ଚଳଚ୍ଚିତ୍ର ନିର୍ମାତାଙ୍କୁ ୬୨ଟି ଅଫର ଦିଆଯାଇଥିଲା । ଏହି ପଦକ୍ଷେପ ମୂଲ୍ୟବାନ ପ୍ରଦର୍ଶନ ଏବଂ ସୁଯୋଗ ପ୍ରଦାନ କରିଥିଲା, ଯାହା ଭାରତୀୟ ସିନେମାରେ ନୂତନ ପ୍ରତିଭାଙ୍କୁ ପୋଷଣ କରିବା ପାଇଁ ପ୍ଲାଟଫର୍ମର ପ୍ରତିବଦ୍ଧତାକୁ ଆହୁରି ସୁଦୃଢ଼ କରିଥିଲା ।
ମାଷ୍ଟର କ୍ଲାସ
୭ ଦିନ ମଧ୍ୟରେ ଆଇଏଫଏଫଆଇ ୩୦ଟି ମାଷ୍ଟରକ୍ଲାସ, ଇନ୍-କନଭର୍ସେସନ୍ ଏବଂ ପ୍ୟାନେଲ୍ ଡିସ୍କସନ୍ ଆୟୋଜନ କରିଥିଲା, ଯେଉଁଥିରେ ସିନେମା ଜଗତର ଜଣାଶୁଣା ବ୍ୟକ୍ତିତ୍ୱମାନେ ଅଂଶଗ୍ରହଣ କରିଥିଲେ । ଏଥିରେ ଫିଲିପ୍ ନୋଏସ୍, ଜନ୍ ସିଲ୍, ରଣବୀର କପୁର, ଏଆର୍ ରେହମାନ, କ୍ରିସ୍ କିର୍ଷବମ୍, ଇମ୍ତିଆଜ୍ ଅଲ୍ଲୀ, ମଣିରତ୍ନମ୍, ସୁହାସିନୀ ମଣିରତ୍ନମ୍, ନାଗାର୍ଜୁନ, ଫାରୁଖ ଧୋଣ୍ଡି, ଶିବକାର୍ତ୍ତିକେୟନ୍, ଅମିଶ ତ୍ରିପାଠୀ ପ୍ରମୁଖ ଅଂଶଗ୍ରହଣ କରିଥିଲେ ।
ନଭେମ୍ବର ୨୨ ତାରିଖରେ ମଣିରତ୍ନମଙ୍କ ସହ ଅନୁଷ୍ଠିତ ଏହି ଅଧିବେଶନରେ ସର୍ବାଧିକ ୮୯% ଦର୍ଶକ ଉପସ୍ଥିତ ଥିବା ବେଳେ ରଣବୀର କପୁରଙ୍କ ଅଧିବେଶନରେ ୮୩% ଉପସ୍ଥିତି ଦେଖିବାକୁ ମିଳିଥିଲା ।
ବିଦ୍ୟାର୍ଥୀ ଚଳଚ୍ଚିତ୍ର ନିର୍ମାଣ କାର୍ଯ୍ୟକ୍ରମ
ଯୁବ ଚଳଚ୍ଚିତ୍ର ନିର୍ମାତା କାର୍ଯ୍ୟକ୍ରମରେ ମୋଟ ୩୪୫ ଜଣ ଛାତ୍ରଛାତ୍ରୀ ଅଂଶଗ୍ରହଣ କରିଥିଲେ, ଯେଉଁଥିରେ ଏଫଟିଆଇଆଇ, ଏସଆରଏଫଟିଆଇ, ଏସଆରଏଫଟିଆଇ ଅରୁଣାଚଳ ପ୍ରଦେଶ, ଆଇଆଇଏମସି ଭଳି ୧୩ଟି ପ୍ରସିଦ୍ଧ ଚଳଚ୍ଚିତ୍ର ବିଦ୍ୟାଳୟର ୨୭୯ ଜଣ ଛାତ୍ରଛାତ୍ରୀ ସାମିଲ ହୋଇଥିଲେ । ଏହାବ୍ୟତୀତ ଉତ୍ତର-ପୂର୍ବ ରାଜ୍ୟଗୁଡ଼ିକର ୬୬ ଜଣ ଛାତ୍ର ଓ ଯୁବ ଚଳଚ୍ଚିତ୍ର ନିର୍ମାତାଙ୍କୁ ଏହି କାର୍ଯ୍ୟକ୍ରମରେ ସାମିଲ ହେବାକୁ ଚୟନ କରାଯାଇଥିଲା ।
ପିଆଇବିକୁ ସାରା ଦେଶରୁ ଗଣମାଧ୍ୟମ ମାନ୍ୟତା ପାଇଁ ପାଖାପାଖି ୧୦୦୦ ଆବେଦନ ମିଳିଥିଲା ଏବଂ ଆଇଏଫଏଫଆଇର କଭରେଜ୍ ପାଇଁ ୭୦୦ରୁ ଅଧିକ ସାମ୍ବାଦିକଙ୍କୁ ସ୍ୱୀକୃତି ମିଳିଥିଲା । ଆଗ୍ରହ ପ୍ରକାଶ କରିଥିବା କିଛି ସାମ୍ବାଦିକଙ୍କୁ ଏଫଟିଆଇଆଇ ସହଯୋଗରେ ଫିଲ୍ମ ପ୍ରଶଂସାର ଦିନିକିଆ ପାଠ୍ୟକ୍ରମ ଅଫର କରାଯାଇଥିଲା । ଆଇଏଫଏଫଆଇ ୨୦୨୪କୁ ଏକାଧିକ ପ୍ଲାଟଫର୍ମରେ ବ୍ୟାପକ ଗଣମାଧ୍ୟମ କଭରେଜ୍ ମିଳିଥିଲା, ଯାହା ଏହି କାର୍ଯ୍ୟକ୍ରମ ପାଇଁ ବ୍ୟାପକ ଦୃଶ୍ୟମାନତାକୁ ସୁନିଶ୍ଚିତ କରିଥିଲା । କେବଳ ପ୍ରିଣ୍ଟ ମିଡିଆରେ ଟାଇମ୍ସ ଅଫ୍ ଇଣ୍ଡିଆ, ହିନ୍ଦୁସ୍ତାନ ଟାଇମ୍ସ, ମିଡ୍ଡେ, ଇଣ୍ଡିଆନ୍ ଏକ୍ସପ୍ରେସ୍, ଦି ହିନ୍ଦୁ ସମେତ ପ୍ରମୁଖ ଜାତୀୟ ପ୍ରକାଶନରେ ୫୦୦ରୁ ଅଧିକ ଲେଖା ପ୍ରକାଶ ପାଇଥିଲା, ଯେଉଁଥିରେ ଏହି ମହୋତ୍ସବର ମହତ୍ତ୍ୱ ଉପରେ ଆଲୋକପାତ କରାଯାଇଥିଲା ।
ଡିଜିଟାଲ୍ ପ୍ଲାଟଫର୍ମରେ ବଲିଉଡ୍ ହଙ୍ଗାମା, ପିଙ୍କ୍ ଭିଲା ଭଳି ପ୍ରମୁଖ ମନୋରଞ୍ଜନ ୱେବସାଇଟ୍ ଏବଂ ଲାଇଭ ମିଣ୍ଟ୍ ଓ ଇକୋନୋମିକ୍ ଟାଇମ୍ସ ଭଳି ବ୍ୟବସାୟ ଭିତ୍ତିକ ପ୍ଲାଟଫର୍ମରେ ୬୦୦ରୁ ଅଧିକ ଅନଲାଇନ୍ ଆର୍ଟିକଲ୍ ପ୍ରଦର୍ଶିତ ହୋଇଥିଲା । ଏହାବ୍ୟତୀତ ମାଇଗଭ ଜରିଆରେ ୪୫ ଜଣ ସୋସିଆଲ ମିଡିଆ ଇନଫ୍ଲୁଏନ୍ସରଙ୍କୁ ନିୟୋଜିତ କରାଯାଇ ଆଇଏଫଏଫଆଇର ବିସ୍ତାରକୁ ବଢ଼ାଇବା ସହ ବିଭିନ୍ନ ଡିଜିଟାଲ କ୍ଷେତ୍ରରେ ଏହି ମହୋତ୍ସବକୁ ନେଇ ବ୍ୟାପକ ପ୍ରଚାର ହୋଇଥିଲା । ପିଆଇବି ଆଉଟରିଚ୍ ଇଂରାଜୀ ଏବଂ ଛଅଟି ବିଦେଶୀ ଭାଷାରେ ୨୬ଟି ବିଦେଶୀ ଦେଶ ପାଇଁ ଅଫିସିଆଲ ହ୍ୟାଣ୍ଡେଲରୁ ବିଷୟବସ୍ତୁ ବିତରଣର ସୁବିଧା କରିଛି । ବୈଦେଶିକ ବ୍ୟାପାର ମନ୍ତ୍ରଣାଳୟ ସହଯୋଗରେ ଏହା କରାଯାଇଛି । ଆନ୍ତର୍ଜାତିକ ସ୍ତରରେ ଆଇଏଫଏଫଆଇ ଭେରାଇଟି ଏବଂ ସ୍କ୍ରିନ୍ ଇଣ୍ଟରନ୍ୟାସନାଲ ସହ ଭାଗିଦାରୀ କରି ତିନୋଟି ଇ-ଦୈନିକକୁ ସେମାନଙ୍କ ବିଶ୍ୱସ୍ତରୀୟ ଗ୍ରାହକଙ୍କୁ ପଠାଇଥିଲା, ଯାହା ମହୋତ୍ସବର ବିଶ୍ୱବ୍ୟାପୀ ଉପସ୍ଥିତିକୁ ଆହୁରି ସୁଦୃଢ଼ କରିଥିଲା ।
