ନୂଆଦିଲ୍ଲୀ : ରୁଷ ସୈନ୍ୟବାହିନୀ ୟୁକ୍ରେନର ବୁଚା ସହରରେ ବିଭତ୍ସ ନରସଂହାର କରିଥିବା ଅଭିଯୋଗ କରିଛି ୟୁକ୍ରେନ । ଅନ୍ୟପକ୍ଷରେ, ରୁଷ-ୟୁକ୍ରେନ ମଧ୍ୟରେ ଚାଲିଥିବା ଆଲୋଚନାରେ ମଧ୍ୟ କିଛି ସମାଧାନର ବାଟ ଫିଟିବା ଆଶା ରହିଛି । ତୁର୍କୀରେ ଦୁଇ ଦେଶ ମଧ୍ୟରେ ହୋଇଥିବା ଆଲୋଚନାରେ କିଛି ସର୍ତ୍ତ ସହିତ ଚୁକ୍ତି ହେବାର ଆଶା ଥିଲା । ଅବଶ୍ୟ, ଏହି ବାର୍ତ୍ତାଳାପ ପରେ ବି ରୁଷ ୟୁକ୍ରେନର ଅନେକ ଅଞ୍ଚଳରେ ଆକ୍ରମଣ ଜାରି ରଖିଛି ଏବଂ ୟୁକ୍ରେନ ସୈନ୍ୟବାହିନୀ ମଧ୍ୟ ସମ୍ପୂର୍ଣ୍ଣ ଶକ୍ତି ସହ ଜବାବ ଦେଉଛନ୍ତି । ଏହି ସମୟରେ, ଏହି ଯୁଦ୍ଧରେ ପ୍ରଥମ ଥର ପାଇଁ ୟୁକ୍ରେନ ସୀମାରେ ରୁଷର ଅଞ୍ଚଳ ଉପରେ ଆକ୍ରମଣ କରିଥିବା ଦେଖିବାକୁ ମିଳିଛି ।