ଲକ୍ଷ୍ନୌ : ଲକ୍ଷ୍ନୌର ବିଜେପି ପାର୍ଟି ମୁଖ୍ୟାଳୟରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ତାଙ୍କର ପାଞ୍ଚ ବର୍ଷର କାର୍ଯ୍ୟକାଳର ସଫଳତା ବିଷୟରେ କହିଛନ୍ତି । ସେ କହିଛନ୍ତି ଯେ, ପାଞ୍ଚ ବର୍ଷ ପୂର୍ବେ ବିଜେପି ରାଜ୍ୟବାସୀଙ୍କ ସାମ୍ନାରେ କିଛି ସଂକଳ୍ପ ନେଇଥିଲା । ଗତ ପାଞ୍ଚ ବର୍ଷ ମଧ୍ୟରେ ବିଜେପି ସରକାର କ’ଣ କରିଛନ୍ତି ଏବଂ ଏଥିପାଇଁ ଆମର ସ୍ଥାନ କେଉଁଠି ରହିବା କଥା, ସେ ସଂପର୍କରେ ବଖାଣିଛନ୍ତି ସିଏମ୍ ଯୋଗୀ ।
ଯୋଗୀ କହିଛନ୍ତି ଯେ, ତାଙ୍କ କାର୍ଯ୍ୟକାଳର ପ୍ରଥମ ତିନି ବର୍ଷରେ ତାଙ୍କ ସରକାର ରାଜ୍ୟର ଭାବମୂର୍ତ୍ତିକୁ ବଦଳାଇବା ପାଇଁ କାର୍ଯ୍ୟ କରିଥିଲେ ଏବଂ ଅବଶିଷ୍ଟ ଦୁଇ ବର୍ଷ ମଧ୍ୟରେ ଏହା କରୋନା ଭଳି ମହାମାରୀ ସହ ଲଢ଼ିଥିଲା, ଯାହା କେବଳ ଦେଶ ପାଇଁ ନୁହେଁ ବରଂ ବିଶ୍ୱ ପାଇଁ ଏକ ଆହ୍ୱାନ ଥିଲା । କିନ୍ତୁ ପ୍ରଧାନମନ୍ତ୍ରୀ ମୋଦୀଙ୍କ ନେତୃତ୍ୱରେ ଆମେ ଜୋର୍ଦାର୍ ସଂଗ୍ରାମ କରିଥିଲୁ । ପ୍ରଧାନମନ୍ତ୍ରୀ ମୋଦୀଙ୍କ ମାର୍ଗଦର୍ଶନରେ କୋଭିଡ ପରିଚାଳନା ଏକ ଉଦାହରଣ ପାଲଟିଥିଲା ଏବଂ ଭାରତର କରୋନା ପରିଚାଳନାର ପଦକ୍ଷେପକୁ ବିଶ୍ୱ ପ୍ରଶଂସା କରିଥିଲା, ପ୍ରଧାନମନ୍ତ୍ରୀ ମୋଦୀ ନିଜେ ରାଜ୍ୟମାନଙ୍କ ସହ କଥାବାର୍ତ୍ତା ଜାରି ରଖିଥିଲେ। ।