ଜମ୍ମୁ : ଦକ୍ଷିଣ-କାଶ୍ମୀର ଶୋପିୟାଁର ଜୈନାପୋରା ଅଞ୍ଚଳର ଚେରମାର୍ଗରେ ଗୁଳିବିନିମୟ ହୋଇଥିବା ଜଣାପଡ଼ିଛି । ସୂଚନା ଅନୁସାରେ ଆଜି ସକାଳେ ଶୋପିୟାଁର ଜୈନାପୋରା ଅଞ୍ଚଳ ଚେରମାର୍ଗ ଅଞ୍ଚଳରେ ଆତଙ୍କବାଦୀ ଲୁଚି ଥିବା ନେଇ ପୁଲିସ, ସୈନାବାହିନୀ ଓ ସିଆରପିଏଫର ଏକ ଟିମ ସୂଚନା ପାଇଥିବା ବେଳେ ଅଭିଯାନ ଆରମ୍ଭ କରିଥିଲେ । ତେବେ ସେହି ଅଞ୍ଚଳରେ ସୁରକ୍ଷାକର୍ମୀ ପ୍ରବେଶ କରିବା ମାତ୍ରେ ଆତଙ୍କବାଦୀ ଗୁଳି ଚାଳନା ଆରମ୍ଭ କରିଥିବା ଜଣାପଡ଼ିଛି । ସୁରକ୍ଷାକର୍ମୀଙ୍କ ପାଲଟା ଗୁଳିଚାଳନାରେ ଜଣେ ଆତଙ୍କବାଦୀର ମୃତ୍ୟୁ ହୋଇଥିବା ସୂଚନା ମିଳିଛି ।