ବନ ବିଭାଗକୁ ହସ୍ତାନ୍ତର କରାଯାଇଛି ବିଲରୁ ମିଳିଥିବା ୩ କଲରାପତ୍ରିଆ ଛୁଆ : ୪ ଛୁଆ ଜନ୍ମକଲା ଉଦ୍ଧାର କରାଯାଇଥିବା ମାଈ କଲରାପତ୍ରିଆ
ମହୀଶୂର/ନାସିକ : ଗୁରୁବାର ଦିନ କର୍ଣ୍ଣାଟକର ମହୀଶୂର ଜିଲ୍ଲା ଅନ୍ତର୍ଗତ ଗୋଟାଏ ବିଲରୁ ଉଦ୍ଧାର କରାଯାଇଥିବା ୩ଟି କଲରାପତ୍ରିଆ ଛୁଆଙ୍କୁ ବନ ବିଭାଗକୁ ହସ୍ତାନ୍ତର କରାଯାଇଥିବା କଥା ନିଉଜ୍ ଏଜେନ୍ସି ‘ଏଏନ୍ଆଇ’ ରିପୋର୍ଟ କରିଛି । ସେହିପରି, ମହାରାଷ୍ଟ୍ରର ନାସିକ ସହରରୁ ବନ ବିଭାଗ ଉଦ୍ଧାର କରିଥିବା ଗୋଟାଏ ମାଈ କଲରାପତ୍ରିଆ ଗୁରୁବାର ଦିନ ୪ଟି ଛୁଆ ଜନ୍ମ କରିଛି । ମାଆ ଓ ଛୁଆମାନେ ସୁସ୍ଥ ଅଛନ୍ତି । ନାସିକ ‘ଆର୍ଏଫ୍ଓ’ ବୃଷାଳୀ ଘଡ଼େ କହିଛନ୍ତି, ନାସିକ ଅନ୍ତର୍ଗତ ସିନ୍ଧେ ଗ୍ରାମରୁ ବନ ବିଭାଗ ଦ୍ୱାରା ଗୋଟିଏ ମାଈ କଲରାପତ୍ରିଆ ଉଦ୍ଧାର କରାଯାଇଥିଲା । ସେ ୪ଟି ଶାବକ ଜନ୍ମ କରିଛି । । ମାଆ ଓ ଛୁଆମାନଙ୍କର ସ୍ୱାସ୍ଥ୍ୟ ଭଲ ଅଛି ।