ଆଜିକାଲି ଅଧିକାଂଶ ଲୋକ ମଧୁମେହ ରୋଗରେ ପୀଡିତ ହେଉଛନ୍ତି। ପିଲାଠାରୁ ବୟସ୍କ ପର୍ୟ୍ୟନ୍ତ ଲୋକମାନେ ମଧ୍ୟ ଏହି ରୋଗରେ ପୀଡିତ । ଏହି ରୋଗରେ ଶରୀରରେ ରକ୍ତରେ ଶର୍କରା ସ୍ତର ଅନିୟନ୍ତ୍ରିତ ହୋଇଯାଏ । ଏହି ରୋଗ ଏତେ ଗମ୍ଭୀର ଯେ, ଯଦି ଏହାକୁ ଠିକ୍ ସମୟରେ ନିୟନ୍ତ୍ରଣ କରାଯାଏ ନାହିଁ, ତେବେ ଏହା ଶରୀରର ଅନ୍ୟ ଅଂଶକୁ ପ୍ରଭାବିତ କରିଥାଏ । ଏହି କାରଣରୁ ମଧୁମେହକୁ ନୀରବ ଘାତକ ମଧ୍ୟ କୁହାଯାଏ । ଏପରି ପରିସ୍ଥିତିରେ ଏହି ରୋଗର କିଛି ସାଧାରଣ ଲକ୍ଷଣ ଜାଣିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଯଦି ସକାଳୁ ଉଠିବା ପରେ ଶରୀରରେ ଏହି ଲକ୍ଷଣଗୁଡିକ ଅନୁଭବ ହୁଏ, ତେବେ ତୁରନ୍ତ ମଧୁମେହ ପରୀକ୍ଷା କରାନ୍ତୁ ।
ମଧୁମେହର ସବୁଠାରୁ ସାଧାରଣ ଲକ୍ଷଣ ହେଉଛି ଥକାପଣ । ବାସ୍ତବରେ ମଧୁମେହ ରୋଗୀଙ୍କ ଶରୀରରେ ଥିବା ସର୍କରା ସଠିକ୍ ଭାବରେ ଜୀଣ୍ର୍ଣ୍ଣ ହୁଏନାହିଁ, ଯେଉଁ କାରଣରୁ ମଧୁମେହ ରୋଗୀଙ୍କଠାରେ ଶକ୍ତିର ଅଭାବ ରହିଥାଏ । ଯଦି ଶୋଇବା ପରେ ମଧ୍ୟ କ୍ଳାନ୍ତ ଅନୁଭବ ହୁଏ, ତେବେ ତୁରନ୍ତ ମଧୁମେହ ପରୀକ୍ଷା କରିନେବା ଉଚିତ୍ ।
ଗଳାରେ ଶୁଷ୍କତା ଅନୁଭବ ମଧ୍ୟ ମଧୁମେହର ଏକ ସାଧାରଣ ଲକ୍ଷଣ । ପାଣି ପିଇବା ପରେ ମଧ୍ୟ ଅନେକ ଲୋକଙ୍କ ଗଳା ଶୁଖୁଥାଏ । ଯଦି ଆପଣ ସକାଳୁ ଉଠିବା ମାତ୍ରେ ଆପଣଙ୍କ ପାଟି ଏବଂ ଗଳା ଶୁଖା ଶୁଖା ଲାଗେ ତେବେ ଏହା ମଧୁମେହର ଲକ୍ଷଣ ହୋଇପାରେ ।
ଏକ ଆମେରିକୀୟ ଅଧ୍ୟୟନ ଅନୁଯାୟୀ, ମଧୁମେହ ଟାଇପ୍-୨ ଯୋଗୁଁ ପାଟିରୁ ଦୁର୍ଗନ୍ଧ ବାହାରିବା ମଧ୍ୟ ଏକ ସାଧାରଣ ଲକ୍ଷଣ । ଏହି ଅଧ୍ୟୟନ ଅନୁଯାୟୀ, କେବଳ ରୋଗୀର ରକ୍ତରେ ନୁହେଁ, ପାଟିରେ ମଧ୍ୟ ଗ୍ଲୁକୋଜର ସ୍ତର ବଢ଼ିଥାଏ । ଏହି କାରଣରୁ ପାଟିରେ ଥିବା ଜୀବାଣୁ ଗ୍ଲୁକୋଜକୁ ସେମାନଙ୍କ ଖାଦ୍ୟରେ ପରିଣତ କରନ୍ତି । ଏହି କାରଣରୁ ପାଟିରୁ ଦୁର୍ଗନ୍ଧ ଆସିଥାଏ ।
ବ୍ରିଟେନର ଏକ ଅଧ୍ୟୟନ ଅନୁଯାୟୀ, ଆଖି ଫୁଲିବା କିମ୍ବା ଆଖିରୁ ପାଣି ଗଡ଼ିବା ମଧ୍ୟ ଟାଇପ୍-୨ ମଧୁମେହର ଲକ୍ଷଣ ହୋଇପାରେ । ପ୍ରକୃତରେ, ଅନେକ ଥର କ୍ରନିକ୍ ଡାଇବେଟିସ୍ ରୋଗୀମାନେ ଡାଇବେଟିସ୍ ଆଇ ସିଣ୍ଡ୍ରୋମରେ ପୀଡିତ ହୁଅନ୍ତି । ଏହି କାରଣରୁ, ଆଖି ଜଳିବା, ଫୁଲିଯିବା ଏବଂ ଲୁହ ଗଡ଼ିବା ମଧ୍ୟ ଦେଖାଯାଏ ।