ଗଞ୍ଜାମ, (ପ୍ରଦୀପ କୁମାର ପଣ୍ଡା) : ଗଞ୍ଜାମ ଏନ୍.ଏ.ସି ଅନ୍ତର୍ଗତ ଦାମୋଦରପୁର ଗ୍ରାମରେ ପଦ୍ମନାଭ ବେହେରା ଦୀର୍ଘ ବର୍ଷ ଧରି ବିଭିନ୍ନ ଅନୁଷ୍ଠାନରେ ଯୋଗଦେଇ ଯୋଗାସନ ଓ ପ୍ରାଣ୍ୟାାମ ପ୍ରଶିକ୍ଷଣ ଦେଇଆସୁଛନ୍ତି । ଏହିପରି ପ୍ରତିବର୍ଷ ଅନ୍ତର୍ଜାତୀୟ ଯୋଗ ଦିବସରେ ଓଡିଶାର ବିଭିନ୍ନ ଅଞ୍ଚଳରେ ଯୋଗଭ୍ୟାସ ପ୍ରଶିକ୍ଷଣ ଦେଇ ଉଚ୍ଚ ପ୍ରଶଂସିତ ହୋଇଛନ୍ତି । କେଉଁ ଯୋଗ, କେଉଁ ଆସନ ଶରୀରର କେଉଁ ଉପକାର କରିଥାଏ ସେ ସମ୍ପର୍କରେ ଶିବିରାର୍ଥୀମାନଙ୍କୁ ସୂଚନା ଦେବା ସହ ଯୋଗର ଉପକାରୀତା ସମ୍ପର୍କରେ ଅବଗତ କରିଥାନ୍ତି । ଗତ ଅନ୍ତର୍ଜାତୀୟ ଯୋଗ ଦିବସରେ ସେ ବ୍ରହ୍ମପୁର ମଣ୍ଡଳ କାରକାରରେ ଯୋଗ ପ୍ରଶିକ୍ଷଣ ପ୍ରଦାନ କରି ଉଚ୍ଚ ପ୍ରଶଂସିତ ହୋଇଥିଲେ । ଯାହାକୁ ନେଇ ଶ୍ରୀ ବେହେରାଙ୍କୁ ଡିସେମ୍ବର ୨୧ତାରିଖ ବିଶ୍ୱ ମେଡ଼ିଟେସନ ଦିବସ ଅବସରରେ ଯୋଗ ପ୍ରଶିକ୍ଷକ ପାଇଁ ୱାଲଡ଼ ରେକର୍ଡ ମାନପତ୍ର ପ୍ରଦାନ କରାଯାଇଛି । ଏହି ସମ୍ମାନ ପାଇଁ ତାଙ୍କୁ ବିଭିନ୍ନ ମହଲରୁ ଶୁଭେଚ୍ଛାର ସୁଅ ଛୁଟିବାରେ ଲାଗିଛି । ସେ ପ୍ରତିଦନ ଗଞ୍ଜାମ ମହାବିଦ୍ୟାଳୟ ଖେଳ ପଡିଆରେ ଯୋଗ ପ୍ରଶିକ୍ଷଣ ପ୍ରଦାନ କରୁଥିବା ଜଣାପଡିଛି ।