ଦେଓଗାଁ, (ମନୀଷ କୁମାର ସାହୁ) : ପଞ୍ଚାୟତ ନିର୍ବାଚନକୁ ଆଉ କିଛି ଦିନ ଥିବା ବେଳେ ଗ୍ରାମାଞ୍ଚଳରେ ଜମୁଛି ପ୍ରାର୍ଥୀଙ୍କ ପ୍ରଚାର । ଦେଓଗାଁ ବ୍ଲକ ବଡ଼ବନ୍ଧ ପଞ୍ଚାୟତରେ ସରପଞ୍ଚ ପଦବୀ ପାଇଁ ନିର୍ବାଚନ ଲଢ଼ୁଛନ୍ତି ପୂର୍ବତନ ସରପଞ୍ଚ ଅନ୍ତର୍ଯ୍ୟାମୀ ଭୋଇ । ପଞ୍ଚାୟତର ଗାଁ ଗାଁରେ ଘରକୁ ଘର ବୁଲି ଶ୍ରୀ ଭୋଇ ଭୋଟଭିକ୍ଷା କରୁଥିବା ଦେଖିବାକୁ ମିଳୁଛି ।
ଦେଓଗାଁ ବ୍ଲକ ବଡ଼ବନ୍ଧ ପଞ୍ଚାୟତ ବଡ଼ବନ୍ଧ, ସିଲେଟକାନୀ ଓ କରୁଆଁଝର ୩ଟି ଗାଁକୁ ନେଇ ଗଠିତ । ଏହି ପଞ୍ଚାୟତରେ ୧୫୮୨ ଜଣ ପୁରୁଷ ଓ ୧୪୫୧ଜଣ ମହିଲା ମୋଟ ୩୦୩୩ଜଣ ଭୋଟର ରହିଛନ୍ତି ।
ସୂଚନା ଯୋଗ୍ୟ ଯେ, ୨୦୦୨ ମସିହାରୁ ରାଜନୀତିରେ ରହି ସରପଞ୍ଚ ହୋଇଥିବା ଅନ୍ତର୍ଯ୍ୟାମୀ ଭୋଇ ଜୋରସୋରରେ ଚଳାଇଛନ୍ତି ପ୍ରଚାର । ସେ ନିଜେ ଥରେ ସରପଞ୍ଚ ହୋଇଥିବା ବେଳେ ତାଙ୍କ ସ୍ତ୍ରୀ ରଞ୍ଜୁ ଭୋଇଙ୍କୁ ୨୦୦୭ରେ ବଡ଼ବନ୍ଧ ପଞ୍ଚାୟତର ସରପଞ୍ଚ ଓ ୨୦୧୭ରେ କୁତୁର୍ଲା ପଞ୍ଚାୟତରେ ସମିତି ସଭ୍ୟା ଭାବେ ନିର୍ବାଚିତ କରାଇଥିଲେ ।