ରାୟଗଡା : ଭିଜିଲାନ୍ସ ଜାଲରେ ପଡିଛନ୍ତି ରାୟଗଡା ଜିଲ୍ଲା କାଶୀପୁର ବ୍ଲକ୍ ନୂଆପଡା ଗ୍ରାମର କମ୍ପର ପ୍ରାଥମିକ ବିଦ୍ୟାଳୟର ଶିକ୍ଷକ ଶିଶିର କୁମାର ସିମିଳି । ଆୟ ବହିର୍ଭୂତ ସମ୍ପତ୍ତି ଠୂଳ ଅଭିଯୋଗରେ ଭିଜିଲାନ୍ସ ପକ୍ଷରୁ ଚଢ଼ାଉ ବେଳେ ଶିକ୍ଷକଙ୍କ ଘରୁ ଅମାପ ସମ୍ପତ୍ତି ଠାବ ହୋଇଛି । ଶନିବାର ସୁଦ୍ଧା ୪ କୋଟି ୭୩ ଲକ୍ଷ ଟଙ୍କାର ସମ୍ପତ୍ତି ଭିଜିଲାନ୍ସ ପକ୍ଷରୁ ଠାବ ହୋଇଛି । ସେହିଭଳି କାର୍, ଅଳଙ୍କାର ଓ ଅନ୍ୟାନ୍ୟ ଆସବାବପତ୍ର ୬୫ ଲକ୍ଷ ଟଙ୍କାର ଠାବ ହୋଇଛି । ଅପରପକ୍ଷରେ ବ୍ୟାଙ୍କ ଜମା ସମ୍ପର୍କରେ ସୂଚନା ମିଳିନାହିଁ । ରବିବାର ବ୍ୟାଙ୍କ ଜମା ଓ ବୀମା ଯୋଜନା ସମ୍ପର୍କରେ ଜଣାପଡିବ ବୋଲି ଭିଜିଲାନ୍ସ କର୍ତ୍ତୃପକ୍ଷ କହିଛନ୍ତି । ହେଲେ ଏତେ ସମ୍ପତ୍ତି କିଭଳି ସେ ଠୁଳ କରିଥିଲେ ତାହା ଜଣାପଡିନାହିଁ । ଶିଶିର ଶିକ୍ଷକ ଥିବାବେଳେ ତାଙ୍କ ପତ୍ନୀ ଜଣେ ଅଙ୍ଗନଓ୍ବାଡୀ କର୍ମୀ ଅଟନ୍ତି ।
