- ଶେଷ ଦିନରେ ଭଗବତ ଶୁଣିବାକୁ ଆସିଲେ ଟିଟିଲାଗଡ଼ ଓ ଧର୍ମଗଡ ବିଧାୟକ
ଟିଟିଲାଗଡ଼, (ସଞ୍ଜୟ କୁମାର ନାୟକ) : ଟିଟିଲାଗଡ଼ ସହରର ଡିଏନ୍ ରିସର୍ଟ ଠାରେ ସାତ ଦିନ ବ୍ୟାପି ଭଗବତ କଥା ଜ୍ଞାନ ଯଜ୍ଞ ଅନୁଷ୍ଠିତ ହୋଇଯାଇଛି । କଥାମୃତ ପରିବେଷଣ କରିବାକୁ ଶ୍ରୀଧାମ ବୃନ୍ଦାବନରୁ ଶ୍ରୀ ସଞ୍ଜୀବ କୃଷ୍ଣ ଠାକୁରଜୀ ଆସି ଅଗଷ୍ଟ ୨୪ ତାରିଖରୁ ଶନିବାର ଆଜି ୩୦ ତାରିଖ ଯାଏଁ ପ୍ରତିଦିନ ବିଭିନ୍ନ କଥା ବସ୍ତୁ ଉପରେ ପ୍ରବଚନ ସହ ବାଦ୍ୟ ମଣ୍ଡଳୀଙ୍କ ସହ ଭଜନ ପରିବେଷଣ କରିଥିଲେ । ପ୍ରତ୍ୟେକ ଦିନ ଅପରାହ୍ନ ୩ଟାରୁ ରାତି ଆଠଟା ଯାଏଁ ଏହି କାର୍ୟ୍ୟକ୍ରମ ହେଉଥିଲା । ବୁସାନିଆ ପରିବାରର ଗୁରୁ ଶ୍ରୀ ବାବା ପୁରଣନାଥ ଯୋଗ ଦେଇଥିଲେ । ଏହି କାର୍ୟ୍ୟକ୍ରମକୁ ପରିଚାଳନା କରିବାରେ ନରେଶ ଅଗ୍ରୱାଲ, ରାଜେଶ ଅଗ୍ରୱାଲ, ରମେଶ ଅଗ୍ରୱାଲ, କେସିଙ୍ଗାର ଜୟ ଭଗବାନ, କଳାହାଣ୍ଡିର କିଶୋର ଅଗ୍ରୱାଲଙ୍କ ସମେତ ଅନ୍ୟାନ୍ୟ ବୁସାନିଆ ପରିବାରର ସମସ୍ତ ସଦସ୍ୟମାନେ ସହଯୋଗ କରିଥିଲେ । ଏହି ଭଗବତ କଥା ଶୁଣିବାକୁ ସବୁଦିନ ଦୂର ଦୁରାନ୍ତରୁ ତଥା ପଡ଼ୋଶୀ ଜିଲ୍ଲା ତଥା ରାଜ୍ୟର ଭକ୍ତଙ୍କ ସମାଗମ ହେଉଥିଲା ।
