ପଦ୍ମପୁର, (ନିରୋଜ କୁମାର ପାଣୀ) : ପଦ୍ମପୁର ନିକଟସ୍ଥ ମହୁଲପାଲି ସ୍କୁଲ ପଡ଼ିଆଠାରେ କେସିସି ଦ୍ଵାରା ଆୟୋଜିତ ୨୧ତମ କ୍ରିଷ୍ଣା କପ୍ କ୍ରିକେଟ ଟୁର୍ଣ୍ଣାମେଣ୍ଟ ଉଦ୍ଯାପିତ ହୋଇଯାଇଛି । ରବିବାର ଅନୁଷ୍ଠିତ ଫାଇନାଲ ମ୍ୟାଚ୍ରେ ମହୁଲପାଲି ଦଳ ଝାଙ୍କରପାଲି ଦଳକୁ ହରାଇ ଚାମ୍ପିଅନ ହୋଇଛନ୍ତି । ମ୍ୟାଚ୍ ପରେ ଅନୁଷ୍ଠିତ ଉଦ୍ଯାପନୀ ଉତ୍ସବରରେ ମୁଖ ଅତିଥି ରୂପେ ଆନନ୍ଦ ବେହେରା ଓ ସମ୍ମାନିତ ଅତିଥି ରୂପେ ଚୈତନ୍ୟ ଲୁହା, ଝସକେତନ ସାହୁ, ସୁନୀଲ ବେହେରା, ମୁରାରି ସାହୁ, ଜୟନ୍ତ ସେଠ ଓ ତୃପ୍ତିମୟ ତ୍ରିପାଠୀ ଯୋଗଦେଇ ବିଜେତା ଓ ଉପ ବିଜେତା ଦଳକୁ ଟ୍ରଫି ସହ ନଗଦ ପୁରସ୍କାର ପ୍ରଦାନ କରିଥିଲେ । ମହୁଲପାଲିର ପ୍ରଶାନ୍ତଙ୍କୁ ମ୍ୟାନ୍ ଅଫ୍ ଦି ମ୍ୟାଚ୍ ଓ ସିରିଜ୍ ପୁରସ୍କାର ପ୍ରଦାନ କରାଯାଇଥିଲା । ଦିନେଶ, ପ୍ରଦୀପ ଓ ସନମ ଅମ୍ପାରିଂ ଏବଂ ପିଣ୍ଟୁ, ଅଙ୍କିତ ସ୍କୋରିଂ ଦାୟିତ୍ଵ ତୁଳାଇଥିଲେ । ଅନୀଲ ଓ ଦିଲ୍ଲୀପ ଧାରା ବିବରଣୀ ପ୍ରଦାନ କରିଥିଲେ । ଶିଶିର, ସୁହାନା, ଅଜିତ, ସୁଶୀଲ, ପଦ୍ମଲୋଚନ, ନିଲାମ୍ବର, ନିରୋଜ, ମୁକେଶ, ରୂପକ ଓ କେସିସିର ସଦସ୍ୟ ମାନେ ସହଯୋଗ କରିଥିଲେ । ସଭାପତି ମତିଲ ସାହୁ ଧନ୍ୟବାଦ ଅର୍ପଣ କରିଥିଲେ ।