ଦେଓଗାଁ, (ମନୀଷ କୁମାର ସାହୁ) : ଦେଓଗାଁ ବ୍ଲକ ଜରାସିଂହା ପବ୍ଲିକ ସ୍କୁଲର ବାର୍ଷିକ କ୍ରୀଡ଼ା ପ୍ରତିଯୋଗିତା ଜରାସିଂହା ସ୍ଥିତ ମିନି ଷ୍ଟାଡିୟମରେ ଉଦ୍ଯାପିତ ହୋଇଯାଇଛି । କ୍ରୀଡା ପ୍ରତିଯୋଗିତାରେ ମୋଟ ୨୧ଟି ଖେଳରେ ଶତାଧିକ ପ୍ରତିଯୋଗୀ ଅଂଶ ଗ୍ରହଣ କରିଥିବା ବେଳେ କନିଷ୍ଠ ଏବଂ ବରିଷ୍ଠ ବର୍ଗର ୬୩ଜଣ କୃତିତ୍ୱ ଅର୍ଜନ କରି ପୁରସ୍କାର ପାଇଥିଲେ । ସ୍କୁଲର ଅଧ୍ୟକ୍ଷ ଚପଳା ଆଚାର୍ଯ୍ୟ ଉଦ୍ଘାଟନ କରି କାର୍ଯ୍ୟକ୍ରମ ପରିଚାଳନା କରିଥିଲେ । ଲୋକନାଥ ଦଣ୍ଡସେନା, ଆଦିତ୍ୟ ବଗାର ପୁରସ୍କାର ବିତରଣ କରିଥିବା ବେଳେ ସୀତା ସାହୁ, ସୁଦେଷ୍ନା ମେହେର, ସ୍ୱରୂପ ତ୍ରିପାଠୀ, ରାଜେଶ ବେହେରା, ଆଶାଲତା ସାମଲ, ଫୁଲନ ସିଂ, ଚନ୍ଦ୍ରମାଣି ମିର୍ଦ୍ଧା, ଲୀଳାମୟୀ ପାଣିଗ୍ରାହୀ, ଲବ ସାମଲ ସହଯୋଗ କରିଥିଲେ ।