ଦେଓଗାଁ, (ମନୀଷ କୁମାର ସାହୁ) : ଦେଓଗାଁ ବ୍ଲକ ସାରସମାଲ ପଞ୍ଚାୟତ ଅନ୍ତର୍ଗତ ଚୋରମରା ୟୁଥ୍ ଏସୋସିଏସନ୍ କ୍ଲବ ଆନୁକୁଲ୍ୟରେ ସ୍ଥାନୀୟ ଖେଳ ପଡ଼ିଆରେ ଗତ ୪ ତାରିଖରୁ ଆରମ୍ଭ ହୋଇଥିବା ଟି-୧୦ କ୍ରିକେଟ ପ୍ରତିଯୋଗିତା ରବିବାର ଦିନ ଉଦ୍ଯାପିତ ହୋଇଯାଇଛି । ଉଦ୍ଘାଟନୀ ଉତ୍ସବରେ ଦେଓଗାଁ ବ୍ଲକ ଅଧ୍ୟକ୍ଷ ଦୟାନିଧି ଖମାରୀ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ଏହି ପ୍ରତିଯୋଗିତାରେ ୧୬ଟି ଦଳ ଅଂଶ ଗ୍ରହଣ କରିଥିଲେ । ଶିବତଲା ଏବଂ ନାରାୟଣପୁର ମଧ୍ୟରେ ହୋଇଥିବା ଫାଇନାଲ ମ୍ୟାଚରେ ଶିବତଲା ବିଜୟୀ ହୋଇ ଚାମ୍ପିଅନ ଘୋଷିତ ହୋଇଥିଲା । ଉଦ୍ଯାପନୀ ଉତ୍ସବରେ ବରିଷ୍ଠ ସମାଜସେବୀ ତଥା ବଡବନ୍ଧ ପଞ୍ଚାୟତର ପୂର୍ବ ସରପଞ୍ଚ ଅନ୍ତର୍ଯ୍ୟାମୀ ଭୋଇ ମୁଖ୍ୟ ଅତିଥି ଭାବେ ଯୋଗଦେଇ ଉଭୟ ଚାମ୍ପିଅନ ଏବଂ ରନର୍ସ ଅଫ ଦଳକୁ ପୁରସ୍କୃତ କରିଥିଲେ । ଚୋରମରା ୟୁଥ୍ ଏସୋସିଏସନ୍ କ୍ଲବ ସଭାପତି ଦିଲ୍ଲୀପ ସୁନାଙ୍କ ତତ୍ତ୍ଵାବଧାନରେ ପ୍ରତିଯୋଗିତା ପରିଚାଳନା ହୋଇଥିବା ବେଳେ ଯୁବଗୋଷ୍ଠୀ ଆକାଶ, ରାଜା, ବଡ, ପ୍ରହଲ୍ଲାଦ, ରଶ୍ମି, ରାଜାରାମ, ସିଦ୍ଧାନ୍ତ, ରାଜୁ ପ୍ରମୁଖ ସହଯୋଗ କରିଥିଲେ ।