ମ.ରାମପୁର, (ପି.କେ. ସାହୁ) : କଳାହାଣ୍ଡି ଜିଲ୍ଲା ମ.ରାମପୁର ବ୍ଲକ ଅଲାତରା ପଞ୍ଚସଖା ସରକାରୀ ଉଚ୍ଚ ବିଦ୍ୟାଳୟ ଠାରେ ସ୍କୁଲ ପ୍ରଧାନ ଶିକ୍ଷୟିତ୍ରୀ ଶକୁନ୍ତଳା ମିଶ୍ରଙ୍କ ସଭାପତିତ୍ୱରେ ବାର୍ଷିକ କ୍ରୀଡା ଉତ୍ସବ ୨୦୨୪-୨୫ ଶୁକ୍ରବାର ଦିନ ଆରମ୍ଭ ହୋଇ ଶନିବାର ଉଦ୍ଯାପିତ ହୋଇଯାଇଛି । ଏହି କ୍ରୀଡା ପ୍ରତିଯୋଗିତାରେ ସମସ୍ତ ଛାତ୍ରଛାତ୍ରୀ ଭାଗ ନେଇ ନିଜ ନିଜର ଖେଳ ପ୍ରଦର୍ଶନ କରିଥିବା ବେଳେ ମୁଖ୍ୟ ଅତିଥି ଭାବେ ସରପଞ୍ଚ ସସ୍ମିତା ନାଗ, ସମ୍ମାନିତ ଅତିଥି ଭାବେ ଶିକ୍ଷାବିତ ତଥା ସ୍କୁଲ ପ୍ରତିଷ୍ଠାତା ଘନଶ୍ୟାମ ବଗର୍ତ୍ତୀ ଓ ଖଗେଶ୍ୱର ରଣା ଉପସ୍ଥିତ ଥିଲେ । ଖେଳ ପରିଚାଳନା କରିଥିଲେ କ୍ରୀଡା ଶିକ୍ଷକ ବେଣୁଧର ରଣା । ଶିକ୍ଷକ ଅଶୋକ ବିଶ୍ୱାଳଙ୍କ ତତ୍ୱାବଧାନରେ ଶିକ୍ଷକ ସଞ୍ଜୟ ପାତ୍ର, ପ୍ରମୋଦ କୁମାର ସାହୁ, ସନ୍ତୋଷ ସେଠି, ଶ୍ୟାମ ସୁନ୍ଦର ପ୍ରତିହାରୀ, ଅନ୍ତର୍ଯ୍ୟାମି ସାହୁ, ପ୍ରିୟଦର୍ଶିନୀ ପାତ୍ର, ଦାମୋଦର ଭୋଇଙ୍କ ସମେତ ସମସ୍ତ କର୍ମଚାରୀ ସହଯୋଗ କରିଥିଲେ ।