ବଲାଙ୍ଗିର, (କେପିଏନ୍ଏସ୍) : ଷ୍ଟେଟ୍ ବ୍ୟାଙ୍କ ଆର୍ସେଟି ଆନୁକୂଲ୍ୟରେ ବଲାଙ୍ଗିର ଜିଲ୍ଲା ଗୁଡ଼ଭେଲାଠାରେ ଭିନ୍ନକ୍ଷମ ମାନଙ୍କ ପାଇଁ ହୋଇଥିବା ଛେଳି ପାଳନ ତାଲିମ କାର୍ଯ୍ରକ୍ରମ ଉଦ୍ଯାପିତ ହୋଇଯାଇଛି । ଉକ୍ତ କାର୍ଯ୍ୟକ୍ରମରେ ଆଇସିଡିଏସ୍ ସୁପର୍ ଭାଇଜର୍ ଶ୍ରୀମତୀ ସୁଷମା ସାହୁ, ଅନୁଷ୍ଠାନର ନିର୍ଦ୍ଦେଶକ ଲକ୍ଷ୍ମୀଧର ମଲ୍ଲିକ, ରେଆର୍ ଅନୁ୍େଠାନର ଲକ୍ଷ୍ମଣ ସା, ପ୍ରଶିକ୍ଷକ ସୂର୍ଯ୍ୟମଣି ପଧାନ ଆଦି ଉପସ୍ଥିତ ଥିଲେ । ଉକ୍ତ କାର୍ଯ୍ୟକ୍ରମରେ ଶ୍ରୀମତୀ ସାହୁ ଭିନ୍ନକ୍ଷମମାନଙ୍କୁ ଉପଦୋ ଦେଇଥିଲେ । ନିର୍ଦ୍ଦେଶକ ଶ୍ରୀ ମଲ୍ଲିକ ଭିନ୍ନକ୍ଷମ ମାନଙ୍କର ରୋଜଗାର କିପରି ବଢ଼ିବ, ଗୁରୁତ୍ୱାରାରୋପ କରିଥିଲେ । ଶ୍ରୀ ସା’ ଭିନ୍ନକ୍ଷମ ମାନଙ୍କର ଉନ୍ନତି କାମନା କରିଥିବା ବେଳେ ପ୍ରଶିକ୍ଷକ ଶ୍ରୀ ପଧାନ ଭିନ୍ନକ୍ଷମ ମାନଙ୍କୁ ଉତ୍ସାହିତ କରିବା ସହିତ ସେମାନଙ୍କ ମଙ୍ଗଳ କାମନା କରିଥିଲେ । ଉକ୍ତ ତାଳିମ କାର୍ଯ୍ୟକ୍ରମରେ ଗୁଡ଼ଭେଲା ବ୍ଲକ୍ ଅନ୍ତର୍ଗତ ତେନ୍ତୁଲିଖୁଣ୍ଟି, ଘୁନା, ସିର୍ଜପାଲି, ବିରାମୁଣ୍ଡା, ସନ୍ଦିସରା, ଲାଟତରା, ପେନ୍ଦିମୁଣ୍ଡା, ଡୁଙ୍ଗିବାହାଲ ତଥା ଗୁଡ଼ଭେଲାର ୨୩ ଜଣ ଭିନ୍ନକ୍ଷମ ୧୦ ଦିନିଆ ତାଲିମ କାର୍ଯ୍ୟକ୍ରମରେ ଭାଗନେଇ ମାନପତ୍ର ପ୍ରାପ୍ତ ହୋଇଥିଲେ ।