ଜୟପାଟଣା, (ଶେଷଦେବ ବେହେରା) : ଜୟପାଟଣା ବ୍ଲକ ଅନ୍ତର୍ଗତ ମୁଖୀଗୁଡା ପଞ୍ଚାୟତ ଆନୁକୁଲ୍ୟରେ ପଞ୍ଚାୟତସ୍ତରୀୟ ଘୁମୁରା ଉଦ୍ଯାପିତ ହୋଇଯାଇଛି । ମୁଖୀଗୁଡା ପ୍ରକଳ୍ପ ଉଚ୍ଚ ବିଦ୍ୟାଳୟ ପଡିଆଠାରେ ଆୟୋଜିତ ଉତ୍ସବ ପରିସରରେ ଆସୁଥିବା ସମସ୍ତ ବିଦ୍ୟାଳୟର ଛାତ୍ରଛାତ୍ରୀ, ଅଭିଭାବକମାନେ ଉପସ୍ଥିତ ରହିଥିଲେ । ଛାତ୍ରଛାତ୍ରୀଙ୍କ ମଧ୍ୟରେ ବିଭିନ୍ନ ପ୍ରତିଯୋଗିତା ଆୟୋଜନ କରାଯାଇ ପୁରସ୍କୃତ କରାଯାଇଥିଲା । ସନ୍ଧ୍ୟାରେ ରଙ୍ଗୀନ ମଞ୍ଚରେ ପୁରସ୍କାର ବିତରଣ ସହିତ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ପରିବେଷିତ ହୋଇଥିଲା । ସାଂସ୍କୃତିକ ସମାରୋହରେ ସରପଞ୍ଚ ଜୟନ୍ତୀ ମହାଳିକ ଅଧ୍ୟକ୍ଷତା କରିଥିବା ବେଳେ ସମାଜ ସେବୀ ଦୁର୍ଯ୍ୟୋଧନ ଚିନ୍ଦା ମୁଖ୍ୟ ଅତିଥି ଭାବରେ ଯୋଗ ଦେଇଥିଲେ । ବରିଷ୍ଠ ଶିକ୍ଷକ ଦୁର୍ଯ୍ୟୋଧନ ବାଣୁଆ ମୁଖ୍ୟବକ୍ତା ଭାବରେ ଯୋଗ ଦେଇଥିବା ବେଳେ ପିଇଓ ହେମନ୍ତ କୁମାର ସିଂହ, ନାଏବ ସରପଞ୍ଚ ମାଧୁରୀ ଚିନ୍ଦା ସମ୍ମାନିତ ଅତିଥି ଭାବରେ ଯୋଗ ଦେଇଥିଲେ । ମଞ୍ଚ ପରିଚାଳନା ସଞ୍ଜୟ କୁମାର ପଣ୍ଡା କରିଥିବା ବେଳେ ଗୁରୁଜୀ ନିତ୍ୟାନନ୍ଦ ପତି ଧନ୍ୟବାଦ ଅର୍ପଣ କରିଥିଲେ ।