ମୟୂରଭଞ୍ଜ : ମୟୂରଭଞ୍ଜ ଜିଲ୍ଲା ଗୋରୁମହିହାଣୀ ଥାନା ଅଂଚଳରୁ ଜଣେ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି । ମୃତ ଯୁବକ ହେଲେ ଲୁଟୁ ମୁଣ୍ଡା(୪୦) । ସୂଚନା ଅନୁଯାୟୀ ଗୋରୁମହିହାଣୀ ଥାନା ଅର୍ନ୍ତଗତ ନୂଆଡିହି ଗ୍ରାମର ରାମରାୟ ମୁଣ୍ଡାଙ୍କ ପୁଅ ଲୁଟୁ ମୁଣ୍ଡାଙ୍କ ଝୁଲନ୍ତା ମୃତଦେହ ଗ୍ରାମନିକଟସ୍ଥ ଏକ ବରଗଛରେ ଝୁଲୁଥିବା ଦେଖି ପୁଲିସକୁ ଖବର ଦେଇଥିଲେ । ପୁଲିସ ଘଟଣାସ୍ଥଳକୁ ପହଂଚି ଶବକୁ ଜବତ କରିବା ପରେ ବ୍ୟବଛେଦ ପାଇଁ ରାଇରଙ୍ଗପୁର ଉପଖଣ୍ଡ ଚିକିତ୍ସାଳୟକୁ ପଠାଇଛି । ତେବେ ସେ କାହିଁକି ଆତ୍ମହତ୍ୟା କଲେ ତାହା ଜଣାପଡିନାହିଁ । ଗୋରୁମହିହାଣୀ ପୁଲିସ ଏକ ଅପମୃତ୍ୟୁ ମାମଲା ରୁଜୁ କରି ଘଟଣାର ତଦନ୍ତ ଜାରିରଖିଛି ।