ବଲାଙ୍ଗିର, (ଦେବାଶିଷ ମିଶ୍ର) : ବଲାଙ୍ଗିର ସଦର ବ୍ଲକ ଅନ୍ତର୍ଗତ ହର୍ଡାଟାଲ ଗ୍ରାମ ସ୍ଥିତ ଧୋବା ଭୋଇ ହାଇସ୍କୁଲ ପଡିଆରେ ଚାରି ଦିବସୀୟ ମା’ ରଣେଶ୍ୱର ରାମଚଣ୍ଡି କ୍ରିକେଟ କପ୍ ୨୦୨୫ ଉଦ୍ଘାଟିତ ହୋଇଯାଇଛି । ଯୁବନେତା ପ୍ରମୋଦ ପଟେଲ ମ୍ୟାଚକୁ ଉଦ୍ଘାଟନ କରିଥିବା ବେଳେ ପ୍ରମୋଦ ବେହେରା ସମ୍ମାନିତ ଅତିଥି ଭାବେ ଯୋଗ ଦେଇଥିଲେ । ଏହି ଟୁର୍ଣ୍ଣାମେଣ୍ଟରେ ତଲିଉଡାର, ସରଗାଡ, ଖାରି, ବେହେରାବନ୍ଧ, ଚନ୍ଦନଭାଟି, କୁଟୁମଡୋଳା, ରାଣୀସାଗର, ବଡବନ୍ଧ, କାଦୋପଡା, ବୁରୋମୁଣ୍ଡା, ବବଜା, ସିନ୍ଦୁରବାହାଲ, ପଥରଖଣ୍ଡି, ଝାଙ୍କରପାଲି, ହର୍ଡାଟାଲ, ସଦେଇପାଲି ପ୍ରମୁଖ ୧୦ ଗୋଟି ଦଳ ଅଂଶଗ୍ରହଣ କରିବେ । ଅପରାହ୍ନରେ ସରପଂଚ ବନିତା ବାରିକ ଯୋଗ ଦେଇ ପ୍ରଥମ ଦିନ ବିଜେତା ଖେଳାଳିଙ୍କୁ ପୁରସ୍କାର ଦେଇ ଉତ୍ସାହିତ କରିଥିଲେ । ଆୟୋଜନ କମିଟିର ସଂଗଠକ ଆଶୁତୋଷ ପଧାନ, ଟେକଧର ସା ଏବଂ ସମସ୍ତ ସଦସ୍ୟଙ୍କ ସହଯୋଗରେ ଟୁର୍ଣ୍ଣାମେଣ୍ଟ ଚାଲିଛି ।
Prev Post