ମ.ରାମପୁର, (ହେମନ୍ତ ସାହୁ) : ଧବଳେଶ୍ୱର କ୍ରୀଡା ଓ ସାଂସ୍କୃତିକ ଅନୁଷ୍ଠାନ ମୋହନଗିରି ୧୯ତମ ରାଜ୍ୟସ୍ତରୀୟ କ୍ରିକେଟ ପ୍ରତିଯୋଗିତା ଆଜି ଉଦ୍ଘାଟିତ ହୋଇଯାଇଛି । ସର୍ବପ୍ରଥମେ ଶିବ ମନ୍ଦିରରୁ ମଶାଲ ଯାତ୍ରା ବାହାରି ଖେଳପଡିଆରେ ସ୍ଥାପନ କରି ଆଜିର ମୁଖ୍ୟ ଅତିଥି ଅଧକ୍ଷ ଜିଲ୍ଲା ପରିଷଦ କଳାହାଣ୍ଡି ପୁଷ୍ପେନ୍ଦ୍ର ସିଂହଦେଓଙ୍କ ସମେତ ଅନୁଷ୍ଠାନ ସଭାପତି ଶୁକଦେବ ସାହୁ, ଉପସଭାପତି ସୂର୍ଯ୍ୟନାରାୟଣ ସାହୁ, ସମ୍ପାଦକ ଲକ୍ଷ୍ମୀକାନ୍ତ ବେହେରା, ସହସମ୍ପାଦକ ଦିବାକର ସାହୁ, ସୁନୀଲ କୁମାର ଭୋଇ, ବିଶ୍ୱନାଥ ପୋଡ଼, ଚନ୍ଦ୍ରଭାନୁ ବେହେରା ଓ ଅନୁଷ୍ଠାନ ସମସ୍ତ ସଦସ୍ୟ ଉପସ୍ଥିତ ଥିଲେ । ଆଜିର ମ୍ୟାଚ୍ ବଲାଙ୍ଗିର ବନାମ ଫୁଲବାଣୀ ମଧ୍ୟରେ ହୋଇଥିଲା । ପ୍ରଥମ ଦିବସ ମ୍ୟାଚ୍ରେ ଟସ୍ ଜିତି ୧୬ ଓଭର ୨୪୦/୧୦ର ଜବାବରେ ଫୁଲବାଣୀ ୧୫ ଓଭର ୪ ବଲ୍ ୧୨୭ ରନ୍ ସମସ୍ତ ୱିକେଟ ହରାଇ ଥିଲେ । ବଲାଙ୍ଗିର ଦଳର ମ୍ୟାନ୍ ଅଫ୍ ଦ ମ୍ୟାଚ୍ କ୍ରିଷ୍ଣା ସାହୁଙ୍କୁ ପ୍ରଦାନ କରାଯାଇଥିଲା । ସ୍କୋରର ଦୈତାରି ମାଝୀ, ଭାଷ୍ୟକାର ସ୍ଵପ୍ନେଶ୍ଵର କର୍ମୀ, ଅମ୍ପେୟାର୍ ଦୀପକ ସାହୁ, ଧୀରେନ୍ଦ୍ର ବିଶ୍ୱାଳ ରହିଥିବା ବେଳେ ବାପି ସା, ହୁତେଶ ଧରୁଆ, ଚନ୍ଦ୍ରକାନ୍ତ ମାଝୀ ପ୍ରମୁଖ ସହଯୋଗ କରିଥିଲେ । ଆସନ୍ତାକାଲି ଦ୍ଵିତୀୟ ଦିବସରେ ବରଗଡ଼ ଓ ରାଉରକେଲା ମଧ୍ୟରେ ମ୍ୟାଚ୍ ଅନୁଷ୍ଠିତ ହେବ ବୋଲି ସମ୍ପାଦକ ଶ୍ରୀ ବେହେରା ସୂଚନା ଦେଇଛନ୍ତି ।