ଆଇଏଫ୍ଏଫ୍ଆଇର ୫୩ତମ ସଂସ୍କରଣରେ ଭାରତୀୟ ପାନୋରମା ବର୍ଗକୁ ଉଦ୍ଘାଟନ କଲେ କେନ୍ଦ୍ର ମନ୍ତ୍ରୀ ଅନୁରାଗ ସିଂହ ଠାକୁର
- ଅଣ – ଫିଚର ବିଭାଗର ଉଦ୍ଘାଟନୀ ଫିଲ୍ମ ‘ଦ ଶୋ ମଷ୍ଟ ଗୋ ଅନ୍’ରେ ପାର୍ସୀ ଥିଏଟରର ପ୍ରାଚୀନ ପ୍ରତୀକ ଏବଂ ସେମାନଙ୍କର ସ୍ଥାୟୀତ୍ୱର କାହାଣୀକୁ ପ୍ରଦର୍ଶିତ କରାଯାଇଛି
- ସମ୍ପ୍ରତି ସହରାଞ୍ଚଳ କିଶୋରମାନେ ସମ୍ମୁଖୀନ ହେଉଥିବା ସମ୍ବେଦନଶୀଳ ପ୍ରସଙ୍ଗ ଗୁଡିକ ଉପରେ ନିର୍ମିତ ହୋଇଥିବା ଫିଲ୍ମ ହାଦିନେଲେନ୍ତୁ ସହ ଆରମ୍ଭହେଲାଆଇଏଫ୍ଏଫ୍ଆଇର ୫୩ତମ ସଂସ୍କରଣର ଫିଚର ଫିଲ୍ମ ଅଧ୍ୟାୟ
ନୂଆଦିଲ୍ଲୀ, (ପିଆଇବି) : ଗୋଆରେ ଅନୁଷ୍ଠିତ ୫୩ତମ ଭାରତୀୟ ଅନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବ (ଆଇଏଫଏଫଆଇ)ରେ ଇଣ୍ଡିଆନ୍ ପାନୋରାମା ବର୍ଗଆରମ୍ଭହୋଇଛି। ଭାରତର ବିଭିନ୍ନ ସ୍ଥାନରୁ ଏକାଠି ହୋଇଥିବା ଫିଲ୍ମ ଗୁଡିକ ବଡ ପରଦାରେ କାହାଣୀକୁ ଜୀବନ୍ତ କରିବାର ପ୍ରତିଶ୍ରୁତି ସହିତ ଇଣ୍ଡିଆନପାନୋରାମାଆରମ୍ଭ ହୋଇଛି । କେନ୍ଦ୍ରସୂଚନା ଓ ପ୍ରସାରଣମନ୍ତ୍ରୀଶ୍ରୀଅନୁରାଗସିଂଠାକୁରଏହାକୁଉଦଘାଟନକରିଥିଲେ ।
ଏହି ଉଦ୍ଘାଟନୀ ସମାରୋହରେ ଦର୍ଶକମାନଙ୍କୁ ଚଳିତ ବର୍ଷ ପାଇଁ ଭାରତୀୟ ପାନୋରାମା ୨୦୨୨ ବର୍ଗ ଅଧୀନରେ ୨୫ଟି ଫିଚର୍ ଏବଂ ୨୦ଟି ଅଣ- ଫିଚର୍ ଫିଲ୍ମଗୁଡିକୁ ଆଇଏଫ୍ଏଫ୍ଆଇର ବିଧିବଦ୍ଧପ୍ରକ୍ରିୟାମାଧ୍ୟମରେଚୟନକରାଯାଇଛି ।
ଏହି ଅବସରରେ କେନ୍ଦ୍ରମନ୍ତ୍ରୀସେହି ଚଳଚ୍ଚିତ୍ର ନିର୍ମାତା ମାନଙ୍କୁ ଅଭିନନ୍ଦନ ଜଣାଇଛନ୍ତି , ଯେଉଁ ମାନଙ୍କର ଚଳଚ୍ଚିତ୍ର ଆଇଏଫ୍ଏଫ୍ଆଇରେ ପ୍ରଦର୍ଶିତ ହେଉଛି । ସମସ୍ତ ଚଳଚ୍ଚିତ୍ର ଦେଖିବା ପାଇଁ ସମୟ ଦେଇଥିବାରୁ ଏବଂ ଭାରତୀୟ ପାନୋରାମା ପାଇଁ ସେଗୁଡିକ ମଧ୍ୟରୁ ସର୍ବୋତ୍ତମ ଚଳଚ୍ଚିତ୍ର ଚୟନ କରି ଥିବାରୁ ସେ ବିଚାରକମଣ୍ଡଳୀର ସମସ୍ତସଦସ୍ୟମାନଙ୍କୁ ଧନ୍ୟବାଦ ଜଣାଇଛନ୍ତି ।
ଏହି ସମାବେଶକୁ ସମ୍ବୋଧିତ କରି ସୂଚନା ଓ ପ୍ରସାରଣ ମନ୍ତ୍ରଣାଳୟର ସଚିବ ଶ୍ରୀ ଅପୂର୍ବ ଚନ୍ଦ୍ର କହିଥିଲେ ଯେ, ଭାରତୀୟ ପାନୋରାମା ବିଭାଗ ଅଧୀନରେଦେଶର ସମସ୍ତ ଅଞ୍ଚଳରୁ ସର୍ବୋତ୍ତମ ଚଳଚ୍ଚିତ୍ର ପ୍ରଦର୍ଶନ କରାଯିବ।
କେନ୍ଦ୍ର ମନ୍ତ୍ରୀ ଶ୍ରୀ ଅନୁରାଗ ସିଂହ ଠାକୁର ଉଦ୍ଘାଟନୀ ଚଳଚ୍ଚିତ୍ର ହାଦିନେଲେନ୍ତୁ(ଫିଚର) ଏବଂ ଦି ସୋ ମଷ୍ଟ୍ ଗୋ ଅନ୍ (ଅଣ – ଫିଚର)ର ଫିଲ୍ମ ନିର୍ମାତା ମାନଙ୍କୁ ସମ୍ମାନିତ କରିଥିଲେ ।
-‘ଦି ସୋ ମଷ୍ଟ ଗୋ ଅନ୍’ ଫିଲ୍ମର ନିର୍ଦ୍ଦେଶକ ଦିବ୍ୟା କୋୱାସଜୀଙ୍କୁ ଅନୁରାଗ ସିଂହ ଠାକୁର ସମ୍ମାନିତ କରୁଛନ୍ତି ।
-ଅନୁରାଗ ସିଂ ଠାକୁର ହାଦିନେଲେନ୍ତୁ ଚଳଚ୍ଚିତ୍ରର ନିର୍ଦ୍ଦେଶକ ପୃଥ୍ୱୀ କୋନାନୁରଙ୍କୁ ସମ୍ମାନିତ କରୁଛନ୍ତି
ଅଣ- ଫିଚର ଚଳଚ୍ଚିତ୍ର ବର୍ଗର ଉଦଘାଟନୀ ଚଳଚ୍ଚିତ୍ରର ନିର୍ଦ୍ଦେଶକ ଦିବ୍ୟା କୋୱାସଜୀ କହିଛନ୍ତି ଯେ, “ଲକଡାଉନ୍ ସମୟରେ ଯେତେବେଳେ ମୁଁ ମୋ ଭାଇଙ୍କ ସହ ଘରେ ରହିଥିଲି । ସେମଧ୍ୟଜଣେ ଚଳଚ୍ଚିତ୍ର ନିର୍ମାତା ।ଆମେ ନିଷ୍ପତ୍ତି ନେଇଥିଲୁ ଯେ ପୁରୁଣା ପାର୍ସୀ ରଙ୍ଗମଞ୍ଚର ଥିଏଟର କଳାକାରଙ୍କ ରିହର୍ସାଲ୍ ସମୟରେ ସୁଟ୍ ହୋଇଥିବା ଫିଲ୍ମର ଫୁଟେଜ୍କୁ ଏଡିଟ୍ କରିବୁ । ୩୦ ବର୍ଷରୁ ଅଧିକ ସମୟ ମଞ୍ଚରୁ ଦୂରରେ ରହିବା ପରେ ସେମାନେ ଏକ ଅନ୍ତିମ ଶୋ ପାଇଁ ଏକାଠି ହୋଇଥିଲେ । ମୁଁ ପାର୍ସୀ ଥିଏଟରର ମହାନ ବ୍ୟକ୍ତିତ୍ବଙ୍କ ପ୍ରେମରେ ପଡି ଯାଇଥିଲି , ଯେତେବେଳେ ସେମାନଙ୍କର ଶେଷ ଅଭିନୟର ଏଡିଟ୍ ହୋଇ ନଥିବା ଫୁଟେଜଗୁଡିକୁ ସମ୍ପାଦନା କରୁଥିଲି । ମୁଁ ଗର୍ବର ସହିତ କହିପାରେ ଯେ ଏହି ଚଳଚ୍ଚିତ୍ରଟି ସମ୍ପାଦନା ଟେବୁଲରେ ହିଁ ସୃଷ୍ଟି ହୋଇଛି ।
ଦି ଶୋ ମଷ୍ଟ ଗୋ ଅନ୍
ଫିଚର୍ ଫିଲ୍ମ ବର୍ଗର ଉଦଘାଟନୀ ଚଳଚ୍ଚିତ୍ର ହାଦିନେଲେନ୍ତୁ ହେଉଛି ନିର୍ଦ୍ଦେଶକଙ୍କ ଚତୁର୍ଥ ଚଳଚ୍ଚିତ୍ର ଏବଂ ଏହା ମଧ୍ୟ ଆନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବ ବୁସାନ୍ ୨୦୨୨ ରେ ପ୍ରିମିୟର୍ ହେବାକୁ ଯାଉଛି । ଏହି ଚଳଚ୍ଚିତ୍ରର ନିର୍ଦ୍ଦେଶକ ପୃଥ୍ୱୀ କୋନାନୁର ଏହି ଚଳଚ୍ଚିତ୍ରକୁ ସମ୍ମାନ ଏବଂ ସ୍ୱୀକୃତି ପାଇଁ ଆଇଏଫ୍ଏଫ୍ଆଇକୁ ଧନ୍ୟବାଦ ଜଣାଇଛନ୍ତି । ସେ ଆହୁରି ମଧ୍ୟ କହିଛନ୍ତି ଯେ ଏହି ଚଳଚ୍ଚିତ୍ର ଆମ ସମୟର ସହରୀ ସମାଜରେ କିଶୋରମାନେ ସମ୍ମୁଖୀନ ହେଉଥିବା ସମ୍ବେଦନଶୀଳ ପ୍ରସଙ୍ଗ ଗୁଡ଼ିକ ସହିତ ଜଡିତ ।
ହାଦିନେଲେନ୍ତୁ
ଭାରତୀୟ ପାନୋରମା ହେଉଛି ଆଇଏଫ୍ଏଫ୍ଆଇର ଏକ ପ୍ରମୁଖ ଉପାଦାନ ଯେଉଁଥିରେ ଚଳଚ୍ଚିତ୍ର କଳାର ପ୍ରଚାର ପାଇଁ ସମସାମୟିକ ସର୍ବଶେଷ୍ଠ ଭାରତୀୟ ଚଳଚ୍ଚିତ୍ର ଗୁଡିକୁ ଚୟନ କରାଯାଇଥାଏ । ଭାରତୀୟ ଚଳଚ୍ଚିତ୍ର ତଥା ଭାରତର ସମୃଦ୍ଧ ସଂସ୍କୃତି ଏବଂ ସିନେମା କଳାକୁ ପ୍ରୋତ୍ସାହିତ କରିବା ପାଇଁ ଏହା ୧୯୭୮ ରେ ଆଇଏଫ୍ଏଫ୍ଆଇର ଏକ ଅଂଶ ଭାବରେ ଉପସ୍ଥାପିତ କରାଯାଇଥିଲା ।
ଏହି କାର୍ଯ୍ୟକ୍ରମରେ କେନ୍ଦ୍ର ସୂଚନା ଓ ପ୍ରସାରଣ ମନ୍ତ୍ରୀ ଅନୁରାଗ ସିଂହ ଠାକୁରବିଚାରକମଣ୍ଡଳୀର ସଦସ୍ୟମାନଙ୍କୁ ମଧ୍ୟ ସମ୍ମାନିତ କରିଥିଲେ ।
ଭାରତୀୟ ପାନୋରମାର ଚୟନ ସିନେମା ଜଗତର ବିଶିଷ୍ଟ ବ୍ୟକ୍ତି ବିଶେଷଙ୍କ ଦ୍ୱାରା କରାଯାଇଛି, ଯେଉଁଥିରେ ଫିଚର ଚଳଚ୍ଚିତ୍ର ପାଇଁ ସମୁଦାୟ ୧୨ ଜଣ ଜୁରି ସଦସ୍ୟ ଏବଂ ଅଣ – ଫିଚର ଚଳଚ୍ଚିତ୍ର ପାଇଁ ୬ ଜଣ ଜୁରି ସଦସ୍ୟ ସାମିଲ୍ ହୋଇଛନ୍ତି, ଯାହାର ନେତୃତ୍ୱ ସମ୍ପୃକ୍ତ ଅଧ୍ୟକ୍ଷ କରିଥାନ୍ତି । ସେମାନଙ୍କର ବ୍ୟକ୍ତିଗତ ଜ୍ଞାନକୌଶଳ ପ୍ରୟୋଗ କରିବିଶିଷ୍ଟ ବିଚାରକମଣ୍ଡଳୀସହମତି ପାଇଁ ସମାନ ଭାବରେ ସହଯୋଗ କରନ୍ତିଯାହା ସମ୍ପୃକ୍ତ ବର୍ଗର ଭାରତୀୟ ପାନୋରମା ଚଳଚ୍ଚିତ୍ର ଚୟନ ଆଡକୁ ନେଇ ଯାଇଥାଏ ।
ବାର ଜଣ ସଦସ୍ୟଙ୍କୁ ନେଇ ଫିଚର ଫିଲ୍ମ ଜୁରି, ଖ୍ୟାତନାମା ନିର୍ଦ୍ଦେଶକ ତଥା ସମ୍ପାଦକ, ଅଧ୍ୟକ୍ଷ ବିନୋଦ ଗଣତ୍ରଙ୍କ ଦ୍ୱାରା ପରିଚାଳିତ ହୋଇଥିଲା । ୬ ଜଣ ସଦସ୍ୟଙ୍କୁ ନେଇ ଅଣ- ଫିଚର୍ ଫିଲ୍ମ ଜୁରି, ବିଶିଷ୍ଟ ଚଳଚ୍ଚିତ୍ର ନିର୍ମାତା, ନିର୍ମାତା, ଲେଖକ ତଥା ଜାତୀୟ ଚଳଚ୍ଚିତ୍ର ପୁରସ୍କାର ବିଜେତା ଓନାମ୍ ଡୋରେନ୍ଙ୍କ ଦ୍ୱାରା ପରିଚାଳିତ ହୋଇଥିଲା ।
ଭାରତୀୟ ପାନୋରାମା ବିଭାଗ ପାଇଁ ମନୋନିତ ଚଳଚ୍ଚିତ୍ର, ଚଳଚ୍ଚିତ୍ର କଳାକୁ ପ୍ରୋତ୍ସାହିତ କରିବା ଉଦ୍ଦେଶ୍ୟରେ, ଭାରତ ତଥା ବିଦେଶରେ ଥିବା ଆନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବରେ, ଦ୍ୱିପାକ୍ଷିକ ସାଂସ୍କୃତିକ ବିନିମୟ କାର୍ଯ୍ୟକ୍ରମ ଏବଂ ସ୍ୱତନ୍ତ୍ର ଭାରତୀୟ ଚଳଚ୍ଚିତ୍ର ଅଧୀନରେ ଆୟୋଜିତ ଭାରତୀୟ ଚଳଚ୍ଚିତ୍ର ସପ୍ତାହରେ ମଧ୍ୟ ଅଣ- ଲାଭକାରୀ ଫିଲ୍ମ ସ୍କ୍ରିନିଂ ପାଇଁ ପ୍ରଦର୍ଶିତ ହେବ ।
ଭାରତୀୟ ପାନୋରମାରେ ଆରମ୍ଭ ହୋଇଥିବା ଚଳଚ୍ଚିତ୍ର ବିଷୟରେ:
ହାଦିନେଲେନ୍ତୁ
ଦ୍ୱାଦଶ ଶ୍ରେଣୀର ଛାତ୍ର ଦୀପା ଏବଂ ହରି, ଦୀପାଙ୍କ ଫୋନରେ ଶନିବାର ଅପରାହ୍ନରେ କଲେଜ ସମୟ ପରେ ଏକ ଶ୍ରେଣୀ ଗୃହରେ ସେମାନଙ୍କର ଅନ୍ତରଙ୍ଗ ମୁହୂର୍ତ୍ତ ଗୁଡ଼ିକୁ ରେକର୍ଡ କରନ୍ତି । ସୋମବାର ସେମାନଙ୍କୁ ପ୍ରିନ୍ସିପାଲ୍ ଡକାଇ ସେମାନଙ୍କୁ ଡରାଇ କହିଛନ୍ତି ଯେ ସେମାନଙ୍କର ଭିଡିଓ ବର୍ତ୍ତମାନ ଇଣ୍ଟରନେଟରେ ଅଛି । ସେମାନଙ୍କ ପରିବାର ଭାଙ୍ଗି ପଡିଛନ୍ତି । କଲେଜ ପ୍ରଶାସନ ସେମାନଙ୍କ ଭାଗ୍ୟ ନିର୍ଣ୍ଣୟ କରି ସେମାନଙ୍କୁ ସ୍କୁଲ୍ରୁ ବାହାରି ଯିବାକୁ ସ୍ଥିର କରିଥାନ୍ତି । କିନ୍ତୁ ଯେତେବେଳେ ଜାତିର ପ୍ରଶ୍ନ ସାମ୍ନାକୁ ଆସେ, ଜିନିଷ ଗୁଡ଼ିକ ନିୟନ୍ତ୍ରଣ ବାହାରକୁ ଚାଲିଯାଏ ।
ଦି ଶୋ ମଷ୍ଟ ଗୋ ଅନ୍ :
ଦଶନ୍ଧି ଦଶନ୍ଧି ଧରି ନିଷ୍କ୍ରିୟତା ପରେ, ପାର୍ସୀ ଥିଏଟରର ପୁରୁଣା ପ୍ରତୀକ ଗୁଡିକ ଏକ ଅନ୍ତିମ ପରଦା ପାଇଁ ମଞ୍ଚକୁ ଫେରି ଆସିଛନ୍ତି । କିନ୍ତୁ ଅନ୍ତିମ ଶୋ’ ପୂର୍ବ ସନ୍ଧ୍ୟାରେ କଳାକାର ମାନଙ୍କ ସହିତ ଏକ ବଡ଼ ଦୁଃଖଦ ଘଟଣା ଘଟିଛି । ଏହା ସବୁ କିଛି ବଦଳାଇବ କି? କିମ୍ବା ଶୋ ଚାଲିବ କି?