ମୁରିବାହାଲ, (ଦୁର୍ଗାନନ୍ଦ ମହାକୁର) : ବଲାଙ୍ଗିର ଜିଲ୍ଲା ମୁରିବାହାଲ ସଦର ମହକୁମାରେ ନୂତନ ସଂସ୍କାର ଭ୍ୟାଲି ସ୍କୁଲ ଉଦଘାଟନ ହୋଇଯାଇଛି । ଏହା ଅତ୍ୟନ୍ତ ଖୁସି ଓ ଉତ୍ସାହର ସହିତ ଅନୁଷ୍ଠିତ ହୋଇଥିଲା । ଏହା ଏହି ଅଞ୍ଚଳର ଶିକ୍ଷାର ବିକାଶ ପାଇଁ ଏକ ଗୁରୁତ୍ୱପୂର୍ଣ୍ଣ ଅବସର ଥିଲା । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଜିଲ୍ଲା ବିଜେପି ସଭାପତି ଶ୍ରୀବତ୍ସ ବେହେରା ଯୋଗଦେଇ ଶିଶୁମାନଙ୍କ ଭବିଷ୍ୟତ ପାଇଁ ଗୁଣତ୍ତ୍ୱପୂର୍ଣ୍ଣ ଶିକ୍ଷାର ଗୁରୁତ୍ୱ ବିଷୟରେ କହିଥିଲେ । ସମ୍ମାନିତ ଅତିଥି ମୁରିବାହାଲ ଗ୍ରାମ ପଞ୍ଚାୟତର ସରପଞ୍ଚ ବିଶ୍ଵବିହାରୀ ଯୋଶୀ ଅଭିଭାବକମାନଙ୍କୁ ଶିଶୁମାନଙ୍କ ଶିକ୍ଷାରେ ସହଯୋଗ କରିବାକୁ ପ୍ରେରିତ କରିଥିଲେ । ଏହି କାର୍ଯ୍ୟକ୍ରମରେ ସମାଜସେବୀ ଦିଲୀପ ପୃଷ୍ଟି ଓ ବିଶେଷ ଅତିଥି ରାଜିବ ମହାନ୍ତି ମଧ୍ୟ ଉପସ୍ଥିତ ଥିଲେ । ସେମାନେ ଶିଶୁମାନଙ୍କର ସମ୍ପୂର୍ଣ୍ଣ ବିକାଶ ଓ ଭଲ ମୂଲ୍ୟବୋଧର ଆବଶ୍ୟକତା ବିଷୟରେ ଉଲ୍ଲେଖ କରିଥିଲେ । ସ୍କୁଲର ସ୍ଥାପକ ସୁବ୍ରତ କୁମାର ମହାକୁର ସମସ୍ତଙ୍କୁ ଧନ୍ୟବାଦ ଜଣାଇଥିଲେ ଓ ଗୁରୁତ୍ତ୍ୱପୂର୍ଣ୍ଣ ଶିକ୍ଷା ସହିତ ନୈତିକ ମୂଲ୍ୟ ଦେବାର ନିଜ ଲକ୍ଷ୍ୟ ବିଷୟରେ କହିଥିଲେ । ଉପଦେଷ୍ଟା ଫାଲଗୁନି ହାତୀ, ଲକ୍ଷ୍ମୀଧର ବାଗ, ହରିଦାସ ତାଣ୍ଡି ବିକାଶ ମଞ୍ଚର ମୁରିବାହାଲର ସଦସ୍ୟ ମଧ୍ୟ ଉପସ୍ଥିତ ଥିଲେ ଓ ସେମାନଙ୍କର ସହଯୋଗ ପାଇଁ ସମ୍ମାନିତ ହୋଇଥିଲେ । ଶିଶୁମାନଙ୍କର ସାଂସ୍କୃତିକ ପ୍ରଦର୍ଶନ କାର୍ଯ୍ୟକ୍ରମକୁ ଅଧିକ ଆକର୍ଷଣୀୟ କରିଥିଲା । ଅଭିଭାବକମାନେ ସ୍କୁଲର ଭବିଷ୍ୟତ ନେଇ ଖୁସି ଓ ଆଶାବାଦୀ ଥିଲେ । ସଂସ୍କାର ଭ୍ୟାଲି ସ୍କୁଲ ମୁରିବାହାଲ ଓ ପାଖପାଖି ଅଞ୍ଚଳର ଶିଶୁମାନଙ୍କ ପାଇଁ ଉଜ୍ଜ୍ୱଳ ଭବିଷ୍ୟତ ଗଢ଼ିବାରେ ନିଶ୍ଚିତ ଭାବେ ସହାୟକ ହେବ । ଶେଷରେ ସମସ୍ତଙ୍କୁ ଧନ୍ୟବାଦ୍ ଦେଇ କାର୍ଯ୍ୟକ୍ରମ ଶେଷ ହୋଇଥିଲା ।