ବଲାଙ୍ଗିର, (କେପିଏନ୍ଏସ୍) : ଆଜି ସ୍ଥାନୀୟ ଅଗ୍ରଣୀ ଶିକ୍ଷାନୁଷ୍ଠାନ ନାଇସ୍ ବାଣିଜ୍ୟ ମହାବିଦ୍ୟାଳୟରେ ଆସନ୍ତା ତା ୧୯/୦୫/୨୦୨୨ ପର୍ଯ୍ୟନ୍ତ ସାତଦିନିଆ ‘ଟେବୁଲ ଟେନିସ୍’ ପ୍ରଶିକ୍ଷଣ ଶିବିରର ଶୁଭ ଉଦ୍ଘାଟନ ହୋଇଯାଇଛି । ଉକ୍ତ ଉଦ୍ଘାଟନୀ ଉତ୍ସବରେ ଅନୁଷ୍ଠାନର ଯୁଗ୍ମ ପରିଚାଳକ ଆଶୁତୋଷ ପୁରୋହିତ ଓ ପ୍ରଦୀପ ସାହୁଙ୍କ ପ୍ରତ୍ୟକ୍ଷ ତତ୍ୱାବଧାନରେ ଜିଲ୍ଲା ଟେବୁଲ ଟେନିସ ସମ୍ପାଦକ ସୁମିତ ପୁରୋହିତ ଓ ଜାତୀୟସ୍ତରୀୟ ପ୍ରଶିକ୍ଷକ ସୁନିଳ କୁମାର ପରିଡାଙ୍କ ଉପସ୍ଥିତିରେ ସିଏନ୍ସି ଅଧ୍ୟକ୍ଷ ପ୍ରଦୀପ ଦାଶ କାର୍ଯ୍ୟକ୍ରମଟିର ଶୁଭ ଉଦ୍ଘାଟନ କରିଥିଲେ । ଏହି ପ୍ରଶିକ୍ଷଣ ଶିବିରରେ ଆଶୁତୋଷ ପୁରୋହିତ ଟେବୁଲ ଟେନିସର ମହତ୍ୱ ତଥା ଏହା ଦ୍ୱାରା ହେଉଥିବା ଶାରିରୀକ ଓ ମାନସିକ ବିକାଶ ବିଷୟରେ ଆଲୋକପାତ କରିଥିଲେ । ଉକ୍ତ ପ୍ରଶିକ୍ଷଣ ଶିବିରରେ ଜିଲ୍ଲାର ବିଭିନ୍ନ ଶିକ୍ଷାନୁଷ୍ଠାନରୁ ଛାତ୍ରଛାତ୍ରୀ ପଞ୍ଜିକରଣ କରି ପ୍ରଶିକ୍ଷଣ ଶିବିରରେ ଭାଗ ନେଇଥିଲେ ।