ବଲାଙ୍ଗିର, (କେପିଏନ୍ଏସ୍) : ଲକ୍ଷ୍ମୀଜୋରର ଉନ୍ନତି ପାଇଁ ସ୍ଥାନୀୟ ହାଟପଦା ପଡ଼ାରେ ବଲାଙ୍ଗିର ମ୍ୟୁନିସିପାଲିଟି ତରଫରୁ ବେଆଇନ ଜବରଦଖଲ ଉଚ୍ଛେଦ ପ୍ରକ୍ରିୟା ଆରମ୍ଭ ହୋଇଥିବା ସୂଚନା ମିଳିଛି । ଲକ୍ଷ୍ମୀଜୋର କଡ଼ରେ କେତେକ ଚିକେନ ଦୋକାନ ଓ କେତେକ ଘରକୁ ବୁଲଡୋଜର ଯୋଗେ ଭଙ୍ଗାଯାଇଛି । ସୂଚନାଯୋଗ୍ୟ ଯେ, ଗତ କିଛିଦିନ ତଳେ ଜବରଦଖଲ ନେଇ ନୋଟିସ ଦିଆଯାଇଥିଲା । ଆଜି ଉଚ୍ଛେଦ ପ୍ରକ୍ରିୟା ଆରମ୍ଭ ହୋଇଛି । ତେବେ ଆଇନ ଶୃଙ୍ଖଳା ପରିସ୍ଥିତି ନେଇ ଟାଉନ ଥାନା ପୁଲିସ ସେଠାରେ ଉପସ୍ଥିତ ରହିଛି ।