କଣ୍ଟାବାଞ୍ଜି, (ଗୁରୁ ଦୟାଲ ହଂସ) : ବଲାଙ୍ଗିର ଜିଲ୍ଲା ତୁରେକେଲା ବ୍ଲକ ସଦର ମହକୁମାରେ ସ୍ଥିତ ରାଜୀବ ଗାନ୍ଧୀ ପଂଚାୟତ ସମିତି ଉଚ୍ଚ ମାଧ୍ୟାମିକ ବିଦ୍ୟାଳୟରେ ସପ୍ତାହ ବ୍ୟାପି ସମନ୍ୱିତ ଯୁବ ବିକାଶ କାର୍ଯ୍ୟକ୍ରମ ଅନୁଷ୍ଠିତ ହେଉଛି । କାର୍ଯ୍ୟକ୍ରମର ଚତୁର୍ଥ ଦିବସ ଶନିବାର ଦିନ ପ୍ରାତଃ ସକାଳ ୭ଟାରୁ ଯୋଗାସନ, ପ୍ରାଣାୟାମ ଏବଂ ଶାରୀରିକ ବ୍ୟାୟାମ କାର୍ଯ୍ୟକ୍ରମ ହୋଇଥିଲା । ଉଭୟ ବାଳକ ବାଳିକାମାନଙ୍କ କବାଡି, ଖୋ ଖୋ ଏବଂ ଫୁଟବଲ ମ୍ୟାଚ୍ ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମଟିକୁ ତୁରେକେଲା ବ୍ଲକ ସରପଂଚ ସଂଘ ସଭାପତି ଜଲନ୍ଧର ମହାକୁଡ ମୂଖ୍ୟ ଅତିଥୀ ଭାବେ ଯୋଗ ଦେଇ କାର୍ଯ୍ୟକ୍ରମଟିକୁ ଉଦ୍ଘାଟନ କରିଥିଲେ । ଫୁଟବଲ ଖେଳରେ ତୁରେକେଲା ହାଇସ୍କୁଲର ପ୍ରଧାନ ଶିକ୍ଷକ ରାଜେଶ କୁମାର ସିଂଦେଓ ମୂଖ୍ୟ ଅତିଥୀଭାବେ ଯୋଗ ଦେଇ ବାଳକ ବାଳିକା ଖେଳାଳିମାନଙ୍କୁ ଉତ୍ସାହିତ କରିଥିଲେ । ଫୁଟବଲ, ଖୋ ଖୋ ଏବଂ କବାଡିକୁ ହାଇସ୍କୁଲ ଖେଳ ଶିକ୍ଷକ କୃଷ୍ଣଚନ୍ଦ୍ର ବାରିକ କ୍ଷିରଚନ ନାଏକ ଏବଂ ଆରଜିପିଏସ ଖେଳ ଶିକ୍ଷକ ମାନସ କୁମାର ନାଗ, ରୁଦ୍ରମଣି ମେହେର, ସନ୍ତୋଷ ଛତ୍ରିଆ ଓ ଅନ୍ୟମାନେ ସହଯୋଗ କରିଥିଲେ । ସପ୍ତାହ ବ୍ୟାପି ବିଭିନ୍ନ କାର୍ଯ୍ୟକ୍ରମରେ ବିଦ୍ୟାଳୟର ଛାତ୍ରାଛାତ୍ରୀ ଉତ୍ସାହର ସହ ଅଂଶ ଗ୍ରହଣ କରୁଥିବାରୁ ଅଧ୍ୟକ୍ଷ ଅଶ୍ୱିନି କୁମାର ମେହେର ଧନ୍ୟବାଦ ଜଣାଇଛନ୍ତି ।