ମାଲକାନଗିରି : ମାଲକାନଗିରି ଜିଲ୍ଲାରେ ମାଓ ଡମ୍ପ ଠାବ ହୋଇଥିବା ଜଣାପଡିଛି । ନକ୍ସଲ ଦମନ ପାଇଁ ଜିଲ୍ଲାରେ ମୁତୟନ ହୋଇଥିବା ୮୮ ବାଟାଲିଆନ ବିଏସଏଫ ଯବାନମାନେ ଗତକାଲି କୁମ୍ଵିଂ ଅପରେସନ ପାଇଁ ବାଲିମେଳା ସଂରକ୍ଷିତ ଜଙ୍ଗଲକୁ ଯାଇଥିଲେ । ଏହି ସମୟରେ ମାଓବାଦୀମାନେ ମାଟି ତଳେ ପୋତି ରଖିଥିବା ବିସ୍ଫୋରକ ସାମଗ୍ରୀ ଉଦ୍ଧାର କରିଛନ୍ତି । ସୂଚନା ଅନୁସାରେ ଚିତ୍ରକୋଣ୍ଡା ଥାନା ଅନ୍ତର୍ଗତ ନାକାମାମୁଡି ପଞ୍ଚାୟତର ଲାରୀଗୁଡା ଓ ତାଇମାଳ ଜଙ୍ଗଲରେ ଅପରେସନ ଚାଲିଥିବା ସମୟରେ ଯବାନମାନେ ଏହି ଡମ୍ପ ଠାବ କରିଥିଲେ । ଯବାନମାନେ ଯାଞ୍ଚ କରିବା ବେଳେ ମାଟି ତଳୁ ମାଓ ସାମଗ୍ରୀ ଜବତ ହୋଇଛି । ଜବତ ମାଓ ସାମଗ୍ରୀ ମଧ୍ୟରେ ୩ଟି ଟିଫିନ ବୋମା, ୨ଟି ଦେଶୀ ବନ୍ଧୁକ, ଗୋଟିଏ ବେରେଲ ବନ୍ଧୁକ, ଦେଶୀ ବନ୍ଧୁକ, ଖାଲି ଖୋଳ ୨ଟି, ଗ୍ରେନେଡ଼ ୧୧ଟି, ଡିଟୋନେଟର ୮ଟି, ଇନସାସ ମାଗାଜିନ, ୱାକିଟକି, ବିସ୍ଫୋରକ ପାଉଡର ଓ ମାଓ ପୁସ୍ତକ ରହିଛି ।