ବଲାଙ୍ଗିର, (କେପିଏନ୍ଏସ୍) : ବିଦ୍ୟାଳୟ ମାନଙ୍କରେ ସାମାଜିକ, ଆବେଗିକ ଓ ନୈତିକ ଶିକ୍ଷଣ ତଥା ବହୁଶ୍ରେଣୀ ବହୁସ୍ତରୀୟ ଶିକ୍ଷାଦାନ ଉପରେ ଶିକ୍ଷଣ କାର୍ଯ୍ୟକ୍ରମ ପରିଚାଳନା ପ୍ରସ୍ତୁତ ହୋଇଥିବା ପ୍ରଶିକ୍ଷଣ ପ୍ରଦର୍ଶିକା ପୂର୍ଣ୍ଣାଙ୍ଗ ଉପରେ ଏକ ଚାରି ଦିନିକିଆ ପ୍ରଶିକ୍ଷଣ କାର୍ଯ୍ୟକ୍ରମ ଆଜି ଜିଲ୍ଲା ଶିକ୍ଷା ଓ ପ୍ରତିଷ୍ଠାନ ବଲାଙ୍ଗିରର ସମ୍ମିଳନୀ କକ୍ଷରେ ଆରମ୍ଭ ହୋଇଥିଲା । ଉଦ୍ଘାଟନୀ ଉତ୍ସବରେ ପ୍ରତିଷ୍ଠାନର ଅଧ୍ୟକ୍ଷ ଡ. ଜୟପ୍ରକାଶ ଦାଶ ଓ ଜିଲ୍ଲା ଅତିରିକ୍ତ ଶିକ୍ଷା ଅଧିକାରୀ କେଶବ ମେହେର ଉଦବୋଧନ ଦେଇଥିଲେ । ପ୍ରଥମ ପର୍ଯ୍ୟାୟରେ ୧୪ ଗୋଟି ବ୍ଲକରୁ ୪୨ ଜଣ ଆଞ୍ଚଳିକ ସାଧନ କେନ୍ଦ୍ର ସଂଯୋଜକମାନେ ତାଲିମ ଗ୍ରହଣ ପାଇଁ ଯୋଗ ଦେଇଥିଲେ । ଏହି ପ୍ରଶିକ୍ଷଣ ଶିବିରରେ ଶିକ୍ଷକ ପ୍ରଶିକ୍ଷକ ଆରତୀ ସାହୁ, ଡ. ପ୍ରଶାନ୍ତ କୁମାର ନିଖଣ୍ଡିଆ, ସୁଶ୍ରୀ ସ୍ୱ।ଗତିକା ବଳିଆରସିଂହ ତାଲିମ ପ୍ରଦାନ କରିଥିଲେ । ଏଠାରୁ ତାଲିମ ଗ୍ରହଣ କରିବା ପରେ ସାଧନକର୍ମୀ ବ୍ଲକ ସ୍ତରରେ ଶିକ୍ଷକ ଶିକ୍ଷୟିତ୍ରୀ ମାନଙ୍କୁ ତାଲିମ ପ୍ରଦାନ କରିବେ ।