ବଲାଙ୍ଗିର ସଦର, (ରାଜେଶ ଦଣ୍ଡସେନା) : ବଲାଙ୍ଗିର ବ୍ଲକ ବିଡିଘାଟ ପଞ୍ଚାୟତର ଜନକପୁର ଗ୍ରାମର କ୍ଲବ ଗୃହଠାରେ ଲୋକ ଉନ୍ନତି ସଂଗଠନର ସ୍ୱେଚ୍ଛାସେବୀ ତାଲିମ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଉକ୍ତ କାର୍ଯ୍ୟକ୍ରମରେ ମୋ ଚାଟଶାଳୀରେ ଶିକ୍ଷାଦାନ କରୁଥିବା ସ୍ୱେଚ୍ଛାସେବୀ ଭାଇଭଉଣୀ ମାନଙ୍କର ଜୀବନଜୀବିକା ବିଷୟ ଉପରେ ଯଥା – କୃଷି କ୍ଷେତ୍ର, ସୈନ୍ୟବାହିନୀ ବା ପୋଲିସ, ଶିକ୍ଷା କ୍ଷେତ୍ର, ଉଦ୍ୟୋଗୀକରଣ ଓ ଦକ୍ଷତା ବିକାଶ ଦିଗରେ ତାଲିମ ଦିଆଯାଇଥିଲା । ଉକ୍ତ କାର୍ଯ୍ୟକ୍ରମର ଆୟୋଜନ ବଲାଙ୍ଗିର ବ୍ଲକ ସଂଯୋଜିକା ସ୍ୱର୍ଣ୍ଣଲତା ନାୟକ କରିଥିଲେ । ପରିଚାଳନା ଗୀତାଞ୍ଜଳି କୁମ୍ଭାର ଓ ଜିଲ୍ଲା ସଂଯୋଜକ ବିଶ୍ୱନାଥ ବାଗ ସ୍ୱେଚ୍ଛାସେବୀମାନଙ୍କୁ ତାଲିମ ପ୍ରଦାନ କରିଥିଲେ । ଜନକପୁର ଗ୍ରାମର ଲୋକ ଉନ୍ନତି ସଂଗଠନର ସଦସ୍ୟ ସଦସ୍ୟାମାନେ ସ୍ୱେଚ୍ଛାସେବୀମାନଙ୍କୁ ଖାଦ୍ୟଦ୍ରବ୍ୟ ଯାେଗାଇ ଦେଇଥିଲେ ଏବଂ ଶେଷରେ ପରିକ୍ଷିତ ମାଝି ଓ ନରେଶ ନାଗ ସ୍ୱେଚ୍ଛାସେବୀ ମାନଙ୍କୁ ଧନ୍ୟବାଦ ଦେଇ ତାଲିମ କାର୍ଯ୍ୟକ୍ରମ ସମାପନ କରିଥିଲେ ।