ମୁନିଗୁଡା, (ରମାକାନ୍ତ ପଡ଼ାଲ) : ରାୟଗଡ ଜିଲ୍ଲା ମୁନିଗୁଡା ବ୍ଲକ ଅମ୍ୱାଦଳା କ୍ଲଷ୍ଟରର ନୂତନ ସିଆର୍ସିସି ଓ ପୁରୁଣା ସିଆର୍ସିସିଙ୍କୁ ନେଇ ସ୍ୱାଗତ ଓ ବିଦାୟ ସମ୍ବର୍ଦ୍ଧନା କାର୍ଯ୍ୟକ୍ରମ ଆୟୋଜିତ ହୋଇଯାଇଛି । ଏହି କାର୍ଯ୍ୟକ୍ରମ ସ୍ଥାନୀୟ ଆଞ୍ଚଳିକ ସାଧନ କେନ୍ଦ୍ର ଅମ୍ୱାଦଳା ଉଚ୍ଚ ପ୍ରାଥମିକ ବିଦ୍ୟାଳୟ ଠାରେ ଅନୁଷ୍ଠିତ ହୋଇଥିଲା । କାର୍ଯ୍ୟକ୍ରମରେ ଅମ୍ୱାଦଳା କ୍ଲଷ୍ଟରର ବରିଷ୍ଠ ଶିକ୍ଷକ ଭାସ୍କର ମହାନ୍ତି ସଭାପତିତ୍ୱ କରିଥିବା ବେଳେ ବିଦାୟୀ ସିଆର୍ସିି ବ୍ରଜବନ୍ଧୁ ହିଆଲ, ନୂତନ ସିଆର୍ସିସି ପବିତ୍ର କୁମାର ଲିମା ଅମ୍ଲାଭଟା ସିଆର୍ସିସି ସନ୍ତୋଷ କୁମାର ପାଠୀ ମଞ୍ଚାସୀନ ରହିଥିଲେ । ପ୍ରଥମେ ମହାପ୍ରଭୁ ଜଗନ୍ନାଥଙ୍କ ଫଟୋ ଚିତ୍ରରେ ଦ୍ଵୀପ ପ୍ରଜ୍ଜ୍ୱଳନ କରାଯାଇ କାର୍ଯ୍ୟକ୍ରମ ଆରମ୍ଭ କରାଯାଇଥିବା ବେଳେ ନୂତନ ସିଆର୍ସିସିଙ୍କୁ ସ୍ୱାଗତ ସମ୍ବର୍ଦ୍ଧନା ଜଣାଇବା ସହ ପୁରୁଣା ସିଆର୍ସିସି ମାନଙ୍କୁ ବିଦାୟ ସମ୍ବର୍ଦ୍ଧନା ଦିଆଯାଇଥିଲା । ବରିଷ୍ଠ ଶିକ୍ଷକ ମାନଙ୍କ ଦ୍ଵାରା ଅତିଥି ମାନଙ୍କୁ ଉତ୍ତରୀୟ ମାନପତ୍ର ଦେଇ ସମ୍ବର୍ଦ୍ଧିତ କରାଯାଇଥିଲା । ଏହି ଅବସରରେ କ୍ଲଷ୍ଟରର ଶିକ୍ଷକ ଶିକ୍ଷୟିତ୍ରୀ ମାନେ ବିଦାୟୀ ସିଆର୍ସିସି ମାନଙ୍କ ଗୁଣଗାନ କରି ଉଜ୍ୱଳ ଭବିଷ୍ୟତ କାମନା କରିବା ସହ ନୂତନ ସିଆର୍ସିିଙ୍କୁ ଶୁଭେଚ୍ଛା ଜଣାଇ ସହଯୋଗର ଆଶ୍ୱାସନା ଦେଇଥିଲେ । କାର୍ଯ୍ୟକ୍ରମରେ ଅମ୍ୱାଦଳା ସାଧନ କେନ୍ଦ୍ର ଅନ୍ତର୍ଗତ ସମସ୍ତ ବିଦ୍ୟାଳୟର ଶିକ୍ଷକ ଶିକ୍ଷୟିତ୍ରୀ ମାନେ ଉପସ୍ଥିତ ରହି ସହଯୋଗ କରିଥିଲେ ।