ଗଞ୍ଜାମ, (ପ୍ରଦୀପ କୁମାର ପଣ୍ଡା) : ଗଞ୍ଜାମ ବ୍ଲକର ହୁମ୍ମା ଓ ଶତୃସୋଲ ଗ୍ରାମ ଅଙ୍ଗନବାଡି କେନ୍ଦ୍ରରେ ଗଞ୍ଜାମ ବ୍ଲକ ଅଧ୍ୟକ୍ଷା ଶର୍ମିଷ୍ଠା ପ୍ରଧାନ ମୁଖ୍ୟ ଅତିଥି ଭାବେ ଯୋଗଦେଇ ଶିଶୁ ଦିବସ ଅବସରରେ ପୋଷାକ ଓ ଜୋତା ବଣ୍ଟନ କାର୍ଯ୍ୟକ୍ରମର ଶୁଭାରମ୍ଭ କରିଥିବା ବେଳେ ହୁମ୍ମା ଅଙ୍ଗନବାଡି କେନ୍ଦ୍ରରେ ସିଡିପିଓ ସଲୀଳା ପ୍ରଧାନ ଏବଂ ଏଡିଏସ୍ଡ଼ବ୍ଲ୍ୟୁ ସାଧନ ଚନ୍ଦ୍ର ଦାଶ ଯୋଗଦେଇ କେନ୍ଦ୍ରରେ ରହିଥିବା ସମସ୍ତ କୁନି କୁନି ଶିଶୁ ମାନଙ୍କୁ ପୋଷାକ ଓ ଜୋତା ବଣ୍ଟନର ଶୁଭାରମ୍ଭ କରିଥିଲେ । ଉଭୟ କେନ୍ଦ୍ରରେ ଶିଶୁଦିବସ ପାଳନ କରାଯାଇ ଶିଶୁ ମାନଙ୍କ ଉଜ୍ଜଳ ଭବିଷ୍ୟତ କାମନା କରାଯାଇଥିଲା । ହୁମ୍ମା କେନ୍ଦ୍ରରେ ସ୍ଥାନୀୟ ସରପଞ୍ଚ ଓ ସମିତି ସଭ୍ୟ, ୱାର୍ଡ଼ ମେମ୍ବର ଉପସ୍ଥିତ ରହିଥିଲେ । ସେହିପରି ହୁମ୍ମା, ସୁବଳୟା, ସାନ ରାମଚନ୍ଦ୍ରପୁର ଓ ରାମଗଡ଼ ପ୍ରମୁଖ ସମସ୍ତ ଅଙ୍ଗନବାଡି କେନ୍ଦ୍ର ମାନଙ୍କରେ
ସମସ୍ତ ଶିଶୁ ମାନଙ୍କୁ ପୋଷାକ ଓ ଜୋତା ବଣ୍ଟନ କରାଯାଇଥିଲା ।