ପାଟଣାଗଡ଼, (ଗୋରେଖନାଥ ବରିହା) : ପାଟଣାଗଡ଼ ବ୍ଲକ ଅନ୍ତର୍ଗତ ଦେଉଲ ଗାଁ ପଞ୍ଚାୟତର ବରପିଟା ଗ୍ରାମରେ ବିଶ୍ୱ ସ୍ତନ୍ୟପାନ ସପ୍ତାହ ପାଳିତ ହୋଇଯାଇଛି । ଏହି ଉପଲକ୍ଷେ ଅନୁଷ୍ଠିତ ଶିବିରରେ ଗ୍ରାମର ସମସ୍ତ ପ୍ରସୂତି ଏବଂ ଗର୍ଭବତୀ ମା’ ମାନଙ୍କୁ ସ୍ତନ୍ୟପାନର ମହତ୍ତ୍ୱ ସମ୍ପର୍କରେ ଅବଗତ କରାଯାଇଥିଲା । ଅଙ୍ଗନବାଡି କର୍ମୀ ଶ୍ରୀମତୀ ବବିତା ଦୀପଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ ୱାର୍ଡମେମ୍ବର ଶ୍ରୀମତୀ ତପବତୀ ସାହୁ ଏବଂ ଗାଁ କଲ୍ୟାଣ ସମିତିର ସୁପରଭାଇଜର କ୍ଷୀରୋଦ୍ର କୁମାର ସାହୁ ଯୋଗ ଦେଇଥିଲେ । ଏହି କାର୍ଯ୍ୟକ୍ରମକୁ ଆଶା ଦିଦି ଶ୍ରୀମତୀ ବାସନ୍ତୀ କୁଅଁର ପରିଚାଳନା କରିଥିଲେ ।