ବରଗଡ, (ନିରୋଜ କୁମାର ପାଣୀ) : ବରଗଡ ସ୍ଥିତ ବିଜୁ ପଟ୍ଟନାୟକ ଟାଉନ ହଲରେ ଜନ କଲ୍ୟାଣ ସେବା ଟ୍ରଷ୍ଟର ପ୍ରତିଷ୍ଠାତା ମୁକୁନ୍ଦ ଦାଶଙ୍କ ଉଦ୍ୟମରେ ଚାଲିଥିବା ଜନ କଲ୍ୟାଣ ସେବା ଟ୍ରଷ୍ଟର ୧୯ତମ ବାର୍ଷିକ ଉତ୍ସବ ଓ ନୂଆଁଖାଇ ଭେଟ୍ଘାଟ୍ କାର୍ୟ୍ୟକ୍ରମରେ ଆଦର୍ଶ କ୍ରୀଡାବିତ୍ ଭାବେ ସମ୍ମାନିତ ହୋଇଛନ୍ତି ଗାଇସିଲେଟ ବ୍ଳକ ଅନ୍ତର୍ଗତ ଗୁଦେରପାଲି ଗାଁର ଶ୍ରୀମତୀ ଲିଜି ମହାପାତ୍ର । ବର୍ତ୍ତମାନ ସେ ପଦ୍ମପୁର ବନାଞ୍ଚଲରେ ବନରକ୍ଷୀ ଭାବେ କାର୍ୟ୍ୟରତ ଅଛନ୍ତି । ସେ ଅନୁଗୁଳ ସ୍ଥିତ ବନରାଜିକ ମହାବିଦ୍ୟାଳୟରେ ଅନୁଷ୍ଠିତ ହୋଇଥିବା ରାଜ୍ୟସ୍ତରୀୟ କ୍ରୀଡା ପ୍ରତିଯୋଗିତାରେ ମହିଳା ଖେଳାଳି ଭାବେ ଡିସ୍କକ-ଥ୍ରୋ ପ୍ରତିଯୋଗିତାରେ ପ୍ରଥମ ସ୍ଥାନ ଅଧିକାର କରି ସ୍ଵର୍ଣ୍ଣପଦକ ଏବଂ ହାମର୍-ଥ୍ରୋ ପ୍ରତିଯୋଗିତାରେ ଦ୍ୱିତୀୟ ସ୍ଥାନ ଅଧିକାର କରି ରୌପ୍ୟ ପଦକ ହାସଲ କରି ବରଗଡ଼ ଜିଲ୍ଳା ପାଇଁ ତଥା ବନଖଣ୍ଡ ପାଇଁ ଗୌରବ ଆଣିଛନ୍ତି ।