ବ୍ରହ୍ମପୁର, (କେ.ସତ୍ୟନାରାୟଣ ରେଡ୍ଡୀ) : ଛତ୍ରପୁର ବ୍ଳକ ଅନ୍ତର୍ଗତ କେରାଣ୍ଡି ତୋଳା ନାରାୟଣପୁର ଗ୍ରାମର ବରିଷ୍ଠ ନାଗରିକ ମଞ୍ଚର ପ୍ରଥମ ତଥା ପୂର୍ବତନ ସଂପାଦକ ସ୍ୱର୍ଗତ ବାଉରୀବନ୍ଧୁ ସାହୁଙ୍କ ପ୍ରଥମ ବାର୍ଷିକୀ ଶ୍ରାଦ୍ଧୋତ୍ସବ ଗ୍ରାମର ଶ୍ରୀ ଚନ୍ଦ୍ରଶେଖର ମହାଦେବ ମନ୍ଦିର ପରିସରରେ ଅନୁଷ୍ଠିତ ହୋଇଯାଇଛି । ସଭାପତି ନରହରି ପ୍ରଧାନଙ୍କ ଅଧ୍ୟକ୍ଷତାରେ ପରିଚାଳିତ ସ୍ମୃତିଚାରଣ ସଭାରେ ଗ୍ରାମର ଅବସରପ୍ରାପ୍ତ ଶିକ୍ଷକ ତଥା ମଞ୍ଚର ଉପଦେଷ୍ଟା କୋରା ମହାରଣା ସ୍ୱର୍ଗତ ସାହୁଙ୍କ ଗୁଣାବଳୀ ବର୍ଣ୍ଣନା କରି ସେ ଜଣେ ବିରଳ ବ୍ୟକ୍ତିତ୍ୱ ବୋଲି ପ୍ରକାଶ କରିଥିଲା । ସଂଯୋଜକ ତଥା ଅବସରପ୍ରାପ୍ତ ପ୍ରଧାନଶିକ୍ଷକ କାମରାଜୁ ମହାରଣା ନିଜ ବକ୍ତବ୍ୟରେ ବରିଷ୍ଠ ମଞ୍ଚର ଗଠନରେ ସ୍ୱର୍ଗତ ବାଉରୀବନ୍ଧୁ ସାହୁଙ୍କ ଅବଦାନ ଓ ସଂଶ୍ଳିଷ୍ଟତାର ସ୍ମୃତିଚାରଣ କରି ସେ ଜଣେ ହିତୈଷୀ ତଥା ବନ୍ଧୁବତ୍ସଳ ବ୍ୟକ୍ତିତ୍ୱକୁ ହରାଇଛନ୍ତି ବୋଲି ଭାବବିହ୍ୱଳ କଣ୍ଠରେ ପ୍ରକାଶ କରିଥିଲେ । ସ୍ୱର୍ଗତ ସାହୁଙ୍କ ବନ୍ଧୁ ତଥା କୁକୁଡା ଖଣ୍ଡି ହାଇସ୍କୁଲର ଅବସରପ୍ରାପ୍ତ ଶିକ୍ଷକ ବିଜୟ କୁମାର ସାହୁ, ଉପସଭାପତି ଘନଶ୍ୟାମ ସାହୁ, କୋଷାଧ୍ୟକ୍ଷ ଗଗନ ବିହାରୀ ସାହୁ ପ୍ରମୁଖ ସ୍ୱର୍ଗତ ସାହୁଙ୍କ ସ୍ମୃତିଚାରଣ କରିଥିଲେ । ସଂପାଦକ ପ୍ରକାଶ ଚନ୍ଦ୍ର ପାଣିଗ୍ରାହୀ ପ୍ରାରମ୍ବିକ ସୂଚନା ସହ ସଂଯୋଜନା କରିଥିଲେ । ଗୋପାଳ ଚନ୍ଦ୍ର ମହାରଣା, ଈଶ୍ୱର ପ୍ରଧାନ, କୃଷ୍ଣ ଚନ୍ଦ୍ର ପ୍ରଧାନ କାର୍ଯ୍ୟକ୍ରମ ପରିଚାଳନା କରିଥିଲେ ।