ସଇଁତଲା, (ପ୍ରମୋଦ ସେଲମା) : ବଲାଙ୍ଗିର ଜିଲ୍ଲା ସଇଁତଲା ବ୍ଲକ ସ୍ଥିତ କେରମେଲି ପଞ୍ଚାୟତ ବନାରସ ଗ୍ରାମରେ ଶିବ ମନ୍ଦିର କମିଟି ଆନୁକୂଲ୍ୟରେ ମକର ସଂକ୍ରାନ୍ତି ଉପଲକ୍ଷେ କଳସ ଶୋଭାଯାତ୍ରା ଅନୁଷ୍ଠିତ ହୋଇଯାଇଛି । ଏଥିରେ ଗ୍ରାମର ମହିଳା ଓ ପୁରୁଷମାନେ ମଣ୍ଡପ ପରିସରରେ ଏକତ୍ରିତ ହୋଇ ବାଜା, ଘଣ୍ଟ, ସଂକୀର୍ତନ ମାଧ୍ୟମରେ ଶୋଭାଯାତ୍ରା ବାହାରି ନଦୀକୁ ପହଂଚିଥିଲେ । ସେଠାରେ ପଣ୍ଡିତ ଦାସଙ୍କ ତତ୍ତ୍ୱାବଧାନରେ ପୂଜର୍ଚ୍ଚନା ଅନୁଷ୍ଠିତ ହୋଇଥିଲା । ଏଥିରେ ରାଜେଶ ସାହୁ ତାଙ୍କ ଧର୍ମପତ୍ନୀ ସରୋଜିନୀ ସାହୁ ଓ କଦମ୍ବ ସାହୁ ତାଙ୍କ ଧର୍ମପତ୍ନୀ କସ୍ତୁରୀ ସାହୁ କର୍ତ୍ତା ଦାୟିତ୍ୱ ତୁଳାଇଥିଲେ । ଏଥିରେ ସଭାପତି ବାଳକ ଦାସ ପ୍ରବଚନ ଦେବାର କାର୍ଯ୍ୟକ୍ରମ ରହିଥିବା ବେଳେ ବ୍ୟାସ ଜୟଦେବ ଯୋଶୀ ଆସିବାର କାର୍ଯ୍ୟକ୍ରମ ରହିଛି । ଏଥିରେ ଶିବ ପୁରାଣ ପଠନ, ୧୫ ତାରିଖରୁ ପ୍ରହରୀ ନାମଯଜ୍ଞ ୧୬ରେ ପୂର୍ଣ୍ଣାହୂତି ରହିଥିବା ଜଣାଯାଇଛି । ଏଥିରେ ବିଭିନ୍ନ ପ୍ରକାରର ସାଂସ୍କୃତିକ କାର୍ଯ୍ୟକ୍ରମ ରହିଛି ।