ବଲାଙ୍ଗିର, (କେପିଏନ୍ଏସ୍) : ଆଜି ପଣ୍ଡିତ ଜବାହରଲାଲ ନେହେରୁଙ୍କ ପୁଣ୍ୟ ଜନ୍ମତିଥିକୁ ବଲାଙ୍ଗିର ଜିଲ୍ଲା ପୁଇନ୍ତଲା ବ୍ଲକ ଅଧିନସ୍ଥ ଆଠଗାଁ ହାଇସ୍କୁଲରେ ଜିଲ୍ଲା ଆଇନ ପ୍ରାଧିକରଣ ସେବା ଓ ହାଇସ୍କୁଲର ମିଳିତ ସହଯୋଗରେ ଶିଶୁଦିବସ ପାଳନ କରାଯାଇଥିଲା । ମୁଖ୍ୟଅତିଥି ଭାବେ ଯୋଗ ଦେଇଥିଲେ ଜିଲ୍ଲା ସିଭିଲ ଅଦାଲତର ବରିଷ୍ଠ ବିଚାରକ ବିନୟ କୁମାର ପାତ୍ର । ସଭାରେ ସଭାପତିତ୍ୱ କରିଥିଲେ ପ୍ରଧାନ ଶିକ୍ଷକ ଦିଲୀପ କୁମାର ଯୋଶୀ ଓ ସମ୍ମାନିତ ଅତିଥି ଭାବେ ଯୋଗଦେଇ ଥିଲେ ଅବସପ୍ରାପ୍ତ ପ୍ରକୃତିବନ୍ଧୁ ଶିକ୍ଷକ ଦିଗାମ୍ବର ନାଏକ । ବରିଷ୍ଠ ଶିକ୍ଷକ ରୋହିତାଶ୍ଵ ଯୋଶୀଙ୍କ ସମେତ ଜ୍ୟୋତ୍ସ୍ନା ଭୋଇ, ସନ୍ତୋଷିନୀ ସାହୁ, ପଦ୍ମିନୀ ସାହୁ, ସନାତନ ବାଗ, ନିତାଇ ନାଏକ, ଶ୍ୟାମାରାଣୀ ମହାପାତ୍ର ସମେତ ପ୍ରେମରାଜ ପଶାୟତ, ଚିନ୍ତାମଣି ବାଗ ଓ ରମାକାନ୍ତ ବେହେରା ସହଯୋଗ କରିଥିଲେ ।