ରାୟଗଡା, (ଅକ୍ଷୟ କୁମାର ପିଡ଼ିସିକା) : ଗୁଣୁପୁର ବ୍ଲକ ପୂଟାସିଂ ପଞ୍ଚାୟତ ଶିଶୁ ବିକ୍ରି ଘଟଣା ରୋଚକ ତଥ୍ୟ ସାମ୍ନାକୁ ଆସିଛି । ଗୁଣୁପୁର ସିଡିପିଓଙ୍କୁ ଦେଇଥିବା ଚିଠି ଖୁଲସା ହୋଇଥିବା ଘଟଣା ଅନୁଯାୟୀ ପୂଟାସିଂ ପଞ୍ଚାୟତ ତାରବେଲ୍ ଗ୍ରାମର ନାବାଳିକାଙ୍କ ଗର୍ଭରୁ ଜାତ ଶିଶୁକୁ ୧୦ ଦିନ ପରେ ଗୁଣୁପୁର ଉପଖଣ୍ଡ ଚିକିତ୍ସାଳୟରେ କାର୍ଯ୍ୟରତ ଜଣେ କର୍ମଚାରୀ ଇତିହାସ ଗମାଙ୍ଗ ଓ ଡ଼ଃ. ସନ୍ଦିପ ସ୍ୱାଇଁଙ୍କ ସହାୟତାରେ ଡମ୍ବସରା ପଞ୍ଚାୟତର ଭୁଲୁଶୁଣ୍ଢା ଗ୍ରାମର ଅଷ୍ଟମୀ ଗମାଙ୍ଗ (ଛଦ୍ମନାମ)ଙ୍କୁ ବିକ୍ରି କରିଥିଲେ ପରେ ଉକ୍ତ ଶିଶୁଟିକୁ ପୋଷ୍ୟ ଭାବେ ଗ୍ରହଣ କରିଥିବା ଦମ୍ପତିଙ୍କ ବିଷୟରେ ଉଲ୍ଲେଖ ରହିଛି । ଏହି ଶିଶୁଟି ୧୫/ ୦୩/୨୪ରେ ଜନ୍ମ ଗ୍ରହଣ କରିଥିବା ବେଳେ ଭୁଲୁଶୁଣ୍ଢା ଗ୍ରାମର ଅଙ୍ଗନୱାଡ଼ି କେନ୍ଦ୍ରର ଉକ୍ତ ଶିଶୁର ଜନ୍ମ ଓ ମୃତ୍ୟୁ ରେଜିଷ୍ଟରରେ ୩୦ /୩/୨୪ରେ ଜନ୍ମ ଗ୍ରହଣ କରିଛି ବୋଲି ଉଲ୍ଲେଖ ଥିବା ଭଳି ସଙ୍ଗୀନ ଘଟଣା ସାମ୍ନାକୁ ଆସିଛି । ରାୟଗଡା ଶିଶୁ ସୁରକ୍ଷା ସମିତି ଅଧକ୍ଷ, ଗୁଣୁପୁର ସମନ୍ୱିତ ଶିଶୁ ବିକାଶ ପ୍ରକଳ୍ପ ଅଧିକାରୀ, ଗୁଣୁପୁର ଥାନାଧିକାରୀ ଉତମ ସାହୁ ପ୍ରମୁଖ ପୁଟାସିଂ ଅଞ୍ଚଳର ତାରିବେଲ୍ ଗ୍ରାମକୁ ଯାଇ ନାବାଳିକା ଓ ତାଙ୍କ ବାପା ମା’ଙ୍କୁ ପଚରାଉଚରା କରିଥିଲେ ଏବଂ ଗୁଣୁପୁର ଉପଖଣ୍ଡ ସ୍ୱାସ୍ଥ୍ୟକେନ୍ଦ୍ରରେ ମଧ୍ୟ ତଦନ୍ତ କରିଥିଲେ । ଗତ କାଲିଠାରୁ ଏହି ଉଦ୍ଧାର ପ୍ରକ୍ରିୟା ଗୁଣୁପୁର ଉପଜିଲ୍ଲାପାଳଙ୍କ ନେତୃତ୍ୱରେ ଜିଲ୍ଲା ଶିଶୁ ସୁରକ୍ଷା ଅଧିକାରୀ, ସମନ୍ୱିତ ଶିଶୁ ବିକାଶ ଯୋଜନା ଅଧିକାରି, ଗୁଣୁପୁର, ପୋଲିସ ଦଳ ସହାୟତାରେ ଆଜି ଏହି ଶିଶୁକୁ ଉଦ୍ଧାର କରି ରାୟଗଡା ଶିଶୁ ମଙ୍ଗଳ କମିଟି ଆଗରେ ହାଜର କରିଥିବେ ବେଳେ ଗୁଣୁପୁର ଥାନାଧିକାରୀ ଉତମ ସାହୁ ପ୍ରମୁଖ ପୁଟାସିଂ ଅଞ୍ଚଳର ତାରିବେଲ୍ ଗ୍ରାମକୁ ଯାଇ ନାବାଳିକା ଓ ତାଙ୍କ ବାପା ମା’ଙ୍କୁ ମଧ୍ୟ ରାୟଗଡା ଶିଶୁ ମଙ୍ଗଳ କମିଟି ଆଗରେ ହାଜର କରିଥିଲେ । ପରେ ଶିଶୁଟୁକୁ ଉଦ୍ଧାର କରି “ସା”(SAA) ରେ ଲାଳନପାଳନ ପାଇଁ ପଠାଇ ଦିଆଯାଇଥିବା ସୂଚନା ମିଳିଛି । ବର୍ତ୍ତମାନ ଏହି ଘଟଣାର ତଦନ୍ତ ଚାଲିଥିବା ନେଇ ଶିଶୁ ମଙ୍ଗଳ କମିଟି ଅଧ୍ୟକ୍ଷା ବିଦୁଲତା ହୂଇକା ସୂଚନା ଦେଇଛନ୍ତି ।