ବୌଦ୍ଧ : ସୋମବାର ଦିନ ପୁରୁଣାକଟକ ରେଞ୍ଜର ବନକର୍ମଚାରୀ ବନ୍ଧୁକ ସହ ଜଣେ ଶିକାରୀକୁ ଗିରଫ କରିଥିବା ଜଣାପଡିଛି । ମିଳିଥିବା ସୂଚନା ଛତରଙ୍ଗ ପଞ୍ଚାୟତର ଖରଭୂଇଁ ଗ୍ରାମର ବିରଞ୍ଚି ପ୍ରଧାନ (୫୦) ନିକଟସ୍ଥ ମୁଣ୍ଡେଶ୍ୱର ଜଙ୍ଗଲକୁ ଶିକାର କରିବାକୁ ଏକ ଦେଶୀ ବନ୍ଧୁକ ଧରି ଜଙ୍ଗଲ ଭିତରକୁ ଯାଇଥିଲେ ।
ଏହି ସମୟରେ ପୁରୁଣାକଟକ ବନ କର୍ମଚାରୀ ପେଟ୍ରୋଲିଂ କରୁଥିବା ଦେଖି ବିରଞ୍ଚି ଦୌଡି ପଳାଇବାକୁ ଚେଷ୍ଟା କରିଥିଲେ । କିନ୍ତୁ ବନବିଭାଗ କର୍ମଚାରୀଙ୍କ ହାତରେ ଧରା ପଡିଯାଇଥିଲେ । ବିରଞ୍ଚିଙ୍କ ପାଖରୁ କିଛି ମାଂସ ଜବତ କରାଯାଇନଥିବା ବେଳ ଦେଶୀ ବନ୍ଧୁକ କିଛି ଗୁଳି ଜବତ କରିଛନ୍ତି । ଏନେଇ ବନବିଭାଗ ପକ୍ଷରୁ ଏକ ମାମଲା ରୁଜୁ କରାଯାଇ ଗିରଫ କରଯାଇଛି । ଚଢାଉରେ ପୁରୁଣାକଟକ ରେଞ୍ଜର ନିହାର ରଞ୍ଜନ କଅଁର, ଫରେଷ୍ଟର ଗୋବର୍ଦ୍ଧନ ମେହେର, ମହେଶ ମାଝି, ବିଣାପାଣି ଖଟୁଆ ପ୍ରମୁଖ ସାମିଲ ଥିଲେ । ମଙ୍ଗଳବାର ଦିନ ଅଭିଯୁକ୍ତକୁ କୋର୍ଟ ଚାଲାଣ କରାଯିବ ବୋଲି ରେଞ୍ଜର କଅଁର ସୂଚନା ଦେଇଛନ୍ତି ।