ବଲାଙ୍ଗିର, (କେପିଏନ୍ଏସ୍) : ଆଜି ସ୍ଥାନୀୟ ଆଇନ ମହାବିଦ୍ୟାଳୟ ସଭାକକ୍ଷରେ ଲୋକାର୍ପିତ ହୋଇଯାଇଛି ପ୍ରଫେସର ମଧୁସୂଦନ ପତିଙ୍କ ନାଟକ ବହି ‘ସିଦ୍ଧାର୍ଥ’ । ‘ନାଟ୍ୟଗ୍ରାମ’ ପକ୍ଷରୁ ପ୍ରକାଶିତ ଏହି ପୁସ୍ତକର ଲୋକାର୍ପଣ ଉତ୍ସବରେ କବି ରାଜୀବ ଲୋଚନ ଆଚାର୍ଯ୍ୟଙ୍କ ଆହ୍ୱାନ କ୍ରମେ ନାଟ୍ୟକାର ପ୍ରଫେସର ପତିଙ୍କ ସହ ନାଟ୍ୟଭୂଷଣ ଜଗଦାନନ୍ଦ ଛୁରିଆ, ‘ଭୂମିକା’ର ବରିଷ୍ଠ ସଦସ୍ୟ ଚିତ୍ତରଞ୍ଜନ ଦାଶ ଓ ଜିତେନ୍ଦ୍ର ତ୍ରିପାଠୀ ମଞ୍ଚାସୀନ ରହିଥିବା ବେଳେ ନାଟ୍ୟଗ୍ରାମର ଟ୍ରଷ୍ଟୀ ଶ୍ରୀମତୀ ବନ୍ଦନା ପଟ୍ଟନାୟକ ସଭା ସଞ୍ଚାଳନ କରିଛନ୍ତି ।