ବରଗଡ଼, (ନିରୋଜ କୁମାର ପାଣୀ) : ସଂକଳ୍ପ ପରିବାର ଓ ଟାଙ୍ଗରପାଲି ଯୁବକ ସଂଘର ମିଳିତ ଆନୁକୂଲ୍ୟରେ ଟାଙ୍ଗରପାଲି ଗ୍ରାମ ପଞ୍ଚାୟତ କାର୍ଯ୍ୟାଳୟ ଠାରେ ଏକ ସ୍ୱେଚ୍ଛାକୃତ ରକ୍ତଦାନ ଶିବିର ଆୟୋଜନ କରାଯାଇଥିଲା । ଏହି ରକ୍ତଦାନ ଶିବିରରେ ମୁଖ୍ୟ ଅତିଥି ଭାବରେ ଟାଙ୍ଗରପାଲି ଗ୍ରାମର ସନ୍ତୋଷ କୁମାର ପଥି (ଅତାବିରା ପୂର୍ବତନ ସ୍ୱାସ୍ଥ୍ୟ ବିଭାଗର ଅଧିକାରୀ) ଯୋଗଦାନ କରି ଆନୁଷ୍ଠାନିକ ଭାବରେ ରକ୍ତଦାନ ଶିବିରକୁ ଉଦ୍ଘାଟନ କରି ରକ୍ତଦାତାମାନଙ୍କୁ ଉତ୍ସାହିତ କରିଥିଲେ । ଏହି ରକ୍ତଦାନ ଶିବିରରେ ୩ ଜଣ ମହିଳା ରକ୍ତଦାତା ସମେତ ମୋଟ ୭୧ ୟୁନିଟ ରକ୍ତ ବୁର୍ଲା ରକ୍ତଭଣ୍ଡାର କର୍ମଚାରୀଙ୍କ ଦ୍ୱାରା ସଂଗ୍ରହ ହୋଇଥିଲା । ଆଜିର ଏହି ରକ୍ତଦାନ ଶିବିରକୁ ସଂକଳ୍ପ ପରିବାର ଓ ଟାଙ୍ଗରପାଲି ଯୁବକ ସଂଘର ମିଳିତ ସଂଯୋଜନାରେ ପରିଚାଳିତ ହୋଇଥିବା ବେଲେ ଏହାର ସଫଳ ରୂପାୟନ ପାଇଁ ଟାଙ୍ଗରପାଲି ଯୁବକ ସଂଘର ଆକାଶ ଖେତ୍ରି, ରିଙ୍କୁ ସାହୁ, ଡୋଳାମଣୀ ପଧାନ, ଦେବାଶିଷ ସାହୁ, ଅମିତ ବିଶ୍ଵାଳ ଓ ସଂକଳ୍ପ ପରିବାର ସଭାପତି ରୋହିତ ଜସ୍ୱାଲ, ନିଲେଶ ପ୍ରଧାନ, ଶେଷଦେବ ପଧାନ, ଆକାଶ ପାଣ୍ଡେଙ୍କ ସମେତ ସମସ୍ତ ସଦସ୍ୟ ସହଯୋଗ କରିଥିଲେ ।