ବଙ୍ଗୋମୁଣ୍ଡା, (ଅର୍ଜୁନ କୁମାର ହଂସ) : ବଲାଙ୍ଗିର ଜିଲ୍ଲା ବଙ୍ଗୋମୁଣ୍ଡା ବ୍ଲକ ଭାଲୁମୁଣ୍ଡା ଗ୍ରାମରେ ଥିବା ପ୍ରସନ୍ନ ପାଳ ଉଚ୍ଚ ମାଧ୍ୟମିକ ବିଦ୍ୟାଳୟ ଠାରେ ଚାଲିଥିବା ଆତ୍ମରକ୍ଷା ତାଲିମ ଶିବିର ଉଦ୍ଯାପିତ ହୋଇଯାଇଛି । ଏହି ଶିବିର ଦୀର୍ଘ ୮ ଦିନ ଧରି ଚାଲିଥିଲା । ଏଥିରେ ବିଦ୍ୟାଳୟର ଛାତ୍ରୀମାନେ ଅତି ସୁନ୍ଦର ଭାବରେ ଆତ୍ମରକ୍ଷା ତାଲିମ କୌଶଳ ପ୍ରଦର୍ଶନ କରିଥିଲେ । ମାଷ୍ଟର ଟ୍ରେନର ଭାବରେ ନିଲିମା ବାରିକ ଛାତ୍ରୀମାନଙ୍କୁ ତାଲିମ ପ୍ରଦାନ କରିଥିଲେ । ବିଦ୍ୟାଳୟର ଅଧ୍ୟକ୍ଷ ଅମୀୟ ରଞ୍ଜନ ଦାସ ଆତ୍ମରକ୍ଷା ତାଲିମ ସମ୍ପର୍କରେ ବକ୍ତବ୍ୟ ପ୍ରଦାନ କରିଥିଲେ । ଏଥିରେ ରାଜନୀତି ଅଧ୍ୟାପକ ସୁରେନ୍ଦ୍ର ପ୍ରଧାନୀ, ସଂସ୍କୃତ ଅଧ୍ୟାପକ ରାଜକିଶୋର ମିଶ୍ର, ଓଡିଆ ଅଧ୍ୟାପକ ଗରୁଡଧ୍ୱଜ ଚୌଧୁରୀ ପ୍ରମୁଖ ଉପସ୍ଥିତ ରହି ଏହି ଆତ୍ମରକ୍ଷା ତାଲିମ ବିଷୟରେ ନିଜ ନିଜର ବକ୍ତବ୍ୟ ପ୍ରଦାନ କରିଥିଲେ । ବିଦ୍ୟାଳୟର ସମସ୍ତ ଅଧ୍ୟାପକ, ଅଧ୍ୟାପିକାମାନେ ଉପସ୍ଥିତ ଥିଲେ । ଶେଷରେ ଆତ୍ମରକ୍ଷା ତାଲିିମ ଶିବିରର ପ୍ରୋଗ୍ରାମ କୋର୍ଡିନେଟର ତଥା ଖେଳ ଶିକ୍ଷକ ବଳଦେବ ମେହେର ଧନ୍ୟବାଦ ଅର୍ପଣ କରିଥିଲେ ।