ଲୋଇସିଂହା, (କେପିଏନ୍ଏସ୍) : ଓଡିଶା ଗ୍ରାମ୍ୟ ଉନ୍ନୟନ ଓ ପଂଚାୟତିରାଜ ବିଭାଗ ତରଫରୁ ତଥା ବଲାଙ୍ଗିର ଜିଲ୍ଲାର ଅଗ୍ରଣୀ ସ୍ୱେଚ୍ଛାସେବୀ ସଂଗଠନ ପଲ୍ଲୀ ଆଲୋକ ପାଠାଗାର ନଅଗାଁ (ଖ) ଆନୁକୂଲ୍ୟରେ ୩ ଦିନିଆ ୱାର୍ଡ ସଭ୍ୟ ସଭ୍ୟାଙ୍କ ଦକ୍ଷତା ବୃଦ୍ଧି ତାଲିମ ଶିବିର ଅନୁଷ୍ଠିତ ହୋଇଯାଇଛି । ଏଥିରେ ଆଗଲପୁର ବ୍ଲକ ଅନ୍ତର୍ଗତ ନୁନିଆପାଲି, ବେନ୍ଦ୍ରା ଓ ରିନବଚନ ପଞ୍ଚାୟତର ସମସ୍ତ ୱାର୍ଡ ସଭ୍ୟ ସଭ୍ୟା ଉପସ୍ଥିତ ରହି ତାଲିମ ନେଇଥିଲେ । ଏସଆଇଆରଡି ତରଫରୁ ତାଲିମଦାତା ନିତ୍ୟାନନ୍ଦ ସାହୁ ଓ ଜ୍ୟୋତ୍ସ୍ନା ନନ୍ଦ ପଞ୍ଚାୟତିରାଜ ବିଧିବ୍ୟବସ୍ଥାର ସବୁ ଦିଗରେ ତାଲିମ ପ୍ରଦାନ କରିଥିଲେ । ପରେ ସଭ୍ୟ ସଭ୍ୟାଗଣ ନଅଗାଁ ପଂଚାୟତ ତଥା ୫ଟି ସ୍କୁଲ ପରିଦର୍ଶନ କରିଥିଲେ । ଉକ୍ତ ତାଲିମ କାର୍ଯ୍ୟକ୍ରମକୁ ପଲ୍ଲୀ ଆଲୋକ ପାଠାଗାରର ଗୋବିନ୍ଦ ଚନ୍ଦ୍ର ବିଶି, ପ୍ରହଲ୍ଲାଦ ପଧାନ, ପିଣ୍ଟୁ ପଧାନ ପ୍ରମୁଖ ପରିଚାଳନା କରିଥିବା ବେଳେ ରମେଶ ପଧାନ, ରଞ୍ଜନ ମହାଲିଙ୍ଗ ଓ ଆଶିଷ ବିଶ୍ୱାଳ ପ୍ରମୁଖ ସହଯୋଗ କରିଥିଲେ ।